Action Beyond 2015 Presented by Zomi Communities USA

Action Beyond 2015 Presented by Zomi Communities USA


Action Beyond 2015 Presented by Zomi Communities USA
Posted by Len Nupa on Sunday, March 6, 2016

Mami Varte @Zomi Nam Ni celebration, Imphal 2012

Mami Varte @Zomi Nam Ni celebration, Imphal 2012

Mami Varte @Zomi Nam Ni celebration, Imphal 2012
Posted by Len Nupa on Monday, February 29, 2016

Mitphial leh Thusim

Len Nupa
Khuapi sung ah Mitphial(magic) lak in nektawm zong Putu khat om hi. A pu pen Mitphial lah dan siam in khua sung mite in muhnop sa mahmah un hi. A Tunu zong hilh zel in a tunu zong ong siam mahmah hi. A putu un mitphial ong lak uh aa Sum tampi ong ngah thei zel uh hi.
Tua leh nitak khat a mitphial uh alah khit uh ciang in a pu in mipi te tung ah thu khat ong gen hi. "Mipi te aw hih kong mitphial lah uh muh nop na sa uh hiam"? ci-in ong dong hi. Mipi te in zong "Muh nop sa mah" ci-in ong dawng kik ngeingai uh hi.
"Koi dan aa mitphial ki lak hiam cih thusim kong gen ding hi. Mai nipi Nino ni nitak ong pai kik un tua ciang ong gen dg hi'ng" ci hi.
A pu thugen a zak ciang in Ngaknu no nu zong a lungsim ong buai peuhmah hi.(Ka thu sim teng uh ka pu in genkhia leh kuamah'n ka mitphial lah uh ong munuam nawn lo ding hi) ci in na lungkham peuhmah hi.....
Ni ong tum zel in, khua ong vak zel hi. Nino ni ong tung ding hita hi. Nungakno nu in zong a pu khiang ah "Pu aw, ih mitphial thusim teng mipi te tung ah gen takpi ding na hiam?'' ci in dong nuam mahmah hi. Ahih hang in dong ngam tuan lo in khua ong vak ta hi. A nitak ciang in mipi te zong mitphial lah na Innpi ah ong pai ngeingai ta (putek te thusim thei nuam uh a hih man in tampi tak ong pai) uh hi.
Hun ong ki panta uh aa , thugen ding in Putek pa zong ong dingto linlin ta (nungak nu zong a lung ong kham mamah ta) hi. Putek pa in thu ong gengen aa a tawpna ah a mitphial thusim teng ong genkhia ta hi. Thu a gen khit ciang in mai nipi ciang zong ong pai lai un ci-in ong kho/sam kawm in hun ong mansak ta uh hi.
Mitphial lah ni ong tun ciang in Putu te bek om aa kua mah peuhmah ong pai nawnlo hi. Tua ciang a tunu in a pu khiang ah ''Pu aw nang mitphial ie thusim teng gen na hih man in mipi te in thei uh aa thupi lo, muhnop sa nawn lo in kuamah ong pai nawn lo hi ci in '' heh sim pian kawm sa in ong gen hi. Tua cing in...A pu in zong ....
"Hilo hi, Ka tunu aw, Nungak te pen hih ih mitphial mah tawh a kibang a hihi. Ih sel ding te sel in, ih lah ding te bek lak le hang mipi te in ong lunglut bek ding uh hi. Pasian in sel ding aa ong piak te sel in kepcing ding a hihi" ong ci hi. Tua ciang in a nih un paulo phunlo in inn lam ong zuan uh hi.
Thusim leh selsim pen i neih ding a ngeina hi a, sel ding a kilawm te i lahkhiat khak zenzen leh i nuntakna in manphatna nei nawn lo ding ahih manin a manpha nuntakna leh nungak nunna tawh a nungta siam dingin Topa in telsiamna te ong pia ta hen. Copy From Len Nupa

Myanamr Census leh 914

914 : Zomite Aituam Census Code Hi Lo
+++++++++++++++++++++++++++++++

Myanmar Census 2014 thu paizia a theician lo teng ading leh Tedim ah minam min leh pha zah tawh kisai kikupna om ding cih i zak tawh kizuiin gen cianna ong bawl hi ing.

Myanmar kumpi in a gam sungah minam 8 (eight major ethnic groups) om ciin ciamteh hi. Hihte pen tulai taka Myanmar kici gam huang sungah 1823 kum malam pana a teeng khinsa teng hi. Vai, Rohingya, Sen a kipan a tula sim minam dang tampi teeng mahleh gam sung minam in kumpi in sang nailo hi.

Myanmar kumpi in a nuaia bangin minam giat leh tuate nampeng teng vekpi 135 pha ciin ciamteh lai hi: -

1. Kachin : nampeng - 12
2. Kayah : nampeng - 9
3. Kayin : nampeng - 11
4. Chin : nampeng - 53
5. Mon : nampeng - nil
6. Bamar (Kawl) : nampeng - 9
7. Rakhine : nampeng - 7
8. Shan : nampeng - 33

Myanmar Census 2014 vaisaite in computer tawh baih taka ciapteh leh sim theihna dingin minam 8 leh nampeng 135 teng a nuaia bangin Code nambat vawh ciat hi:-

Kachin Code No. 101 to 112
Kayah Code No. 201 to 209
Kayin Code No. 301 to 311
Chin Code No. 401 to 453
Bamar (Kawl) Code No. 501 to 509
Mon Code No. 601
Rakhine Code No. 701 to 707
Shan Code No. 801 to 833

Census pen Myanmar gam sunga milip om zah simna ahih manin minam 8 leh nampeng 135 laka a kihel lo teng zong a nuaia bangin code nambat vawh hi:-

Myanmar + Foreigner MIX 900
01 Thailand 901
02 Malays 902
03 Nepal 903
04 Pakistan 904
05 Singapore 905
06 Chinese 906
07 Japanese 907
08 Korean 908
09 Indian 909
10 Bangaladesh 910
11 US-American 911
12 Vietnamese 912
13 Philippines 913
     OTHERS 914

Chin a cih sunga nampeng tuamtuam pha zah leh tuate census code nambat:-

01 CHIN 401
02 MEITEI 402
03 SALINE 403
04 KULINKAW 404
05 KHUMI 405
06 AWA -KHAMI 406
07 KHUANO 407
08 KHAWSU 408
09 KHUANGSAI 409
10 KHUALSIM 410
11 KHUANGLI 411
12 GUNTE 412
13 GUITE 413
14 NGAWN 414
15 SIZANG 415
16 SENTHANG 416
17 SAIZANG 417
18 ZAHAU 418
19 ZOTUNG 419
20 ZOPHEI 420
21 ZO 421
22 ZAN-NIAT 422
23 TAPONG 423
24 TEDIM 424
25 TEIZANG 425
26 TAISUN 426
27 THADO 427
28 TAWR 428
29 DIM 429
30 DAI-YINDI 430
31 NAGA 431
32 THANGKHUL 432
33 MALIN 433
34 PANUM 434
35 MAGUN 435
36 MATU 436
37 MARA 437
38 MI-ER 438
39 M-GAN 439
40 LUSHAI 440
41 LEMRO 441
42 LENTE 442
43 LAUTU 443
44 LAI 444
45 LAIZO 445
46 MRO 446
47 HUALGO 447
48 ANU 448
49 ANUN 449
50 OO PU 450
51 LHINBU 451
52 ASHO 452
53 RONGTU 453

A tunga bangin kumpi theihpih minam 135 baanah gamdangmi tawh mix 13 tengin Census code nei tuam ciat hi.

Code nei lo teng aikeh code nei minam sunga a kigelh nuamlo teng khempeuh 914 ah kiciaukhop ngeingai kul cihna hi, Zomi zong kihel in. Zomi dinmun pen "others" hi pan hi.

A telcian lo ten 914 pen Zomi aituam code sa liang hi. A taktakin 914 code sunga kikhum teng pen mikhual cihna bang phial aikeh tualsuak minam taktak (indigenous) dana a kisim thei nailo teng hi.

914 a kikhum Zomite bang ci bang taktak i hi hiam, code nam 12 khawnga kikhen dalh lel i hi hiam, tua dan hileh Zomi tul sawmnga i pha zo tam?

Bang bang ahi zongin, thu kikupkhop theih diamdiam leh kithutuak dialdial kaan Zomi ading omlo cih kilang hi.

Credit: J Thang Lian Pau

Hi tawh kisai na sim beh nop leh Zomi Info ah zong kisim beh thei hi.

Zomi Media Council Formation Committee

Zomi Media Council Formation committee kiphuan

2016 March 1 & 2 sung ZCLS zum Kalaymyo ah Zomi media nasemte pawlkhat kimuhna kinei hi. Apai khempeuh in Kipawlna neih ding hoih kisa ahih manin Zomi Media Council ဇိုမီးမီဒီယာေကာင္စီ formation committee (ယာယီေကာ္မီတီ) kiguang hi. 

President - Rev Dr Khen Za Sian (Zo Aw)
President 1- Rev Hau Khen Kham (ZCLS)
President 2 - RevThangVanLian(Tedim Post)
Secy   - Rev Dr Lang Khan Khai(Zomi Times)
Secy 1 - Sia CinSuan Mang (Zo  Aw)
Secy2-Sia Khen NgaihKhup(Zomi Post) 
Treasurer - Pa Khual Za Nang (ZCD/Zo Aw)
Finance Secy - Sia Kham Do Dal (ZYA)
Member - RevCinNgaihThang(ZACC/ZBCM)
Member - Paupi (Tongsan)
Member - Rev. Dr. Nang Lian Kap
Member - Sia Mung Kim Sing (ZNCM Secy)
leh Zomi media khat ciat panin member kila kik ding hi. 

Zomi Media Council in Myanmar Press Council ah Registration kipuak ding hi. Constituion & bylaws abawl dingin Rev Hau Khen Kham; RevDr Lang Khan Khai leh Rev Cin Ngaih Thang kiseh a; March kha sungin hong zosiang ding hi.

Dr. Lang Khan Khai

Sin Keu natna a neihte ading damna


1) Nunun(Papaya) mu bek i a tui te,niangtui dawnzelna  hai 1 dim sawt/thuk inla,tua Nunun tui leh Tan-pha-ya tui hai 2,nadawn theih khopding a,athuk tawh helkhawm/tawkkhawm dikdek dingin tuapen ni khat 2 vei ta dawnzel ding.


2)Tui hai 1 dim sungah Lingmaw(Orange) pum 1 i phellang tui sawt/thuk inla,ci tawmtawh na tawhdikdek khitteh ni khat 3 vei,hai 3 ta dawnzel ding.

Hi te nadawn simin zu dawn vetlo ding.Tua banah nek leh dawn lam tawh kisai (Colour)mel tuamtuam tawh akihuan an lamsang peumah ne vetlo ding.Ih mut khammahmah den ding.

Hi dan a, a dawnte'n "SIN KEU NATNA" pan damna ngah takpi uh Hi.

Cin Muan Khai



Gilpi Natna a neihte ading....

Gilpi Natna(gastric)

Gilpi natna naneih leh anuai aa , Formula na sin in.....

A kisam teng...
✔ Aa Lu (potato)
✔ Sing' (Ginger)
✔ Khuai zu

✏ Aa lu pum 3/4 khawng a hawng kheh lo in sawpsiang in...
✏  At sieh seih inla Buh cim dan in huan in...
✏ Sing' tawm cik khah in (Gil puak loh nading)
✏ A min ciang in Khuai zu sikkeu khat khah suk inla Dawn in..(ciim dih diah sak)
✏ Kal Nih khat vei bang dawnle cin Gilpi natna tawh nabuai nawn kei ding hi...

❌❌Ki Dawm
✖ Aa lu lak ah a Eng khawng a om leh tua teng paikhia in...
✖ Aa Lu pen Sikhum zunkhum tetawh ki teh lo ahih man in Sikhum zunkhum neiten nasin kei un....
Credit
#မွတ္စု

Cin Muan Khai