AW GAM NUAMPI

Key: G
1 . An le leengtui gam ka tungzo,
A phatna teng kei aa hi zo
Lungdam huai ni taang tawntung hi,
Keima khuamial leengmang zo hi

CHO - Aw gamnuampi, a pha gampi,
Mual sang tungpan ka gal-et a,
Kei aa ding bawlkholhsa innpi.
Tuipi galah ka gal muh ta Ka ten’na ding
vantung khuapi A taang pha hi tuipi gal ah

2. Hong honpa kei tawh hong vakkhawm
Nuamtak in kei tawh hong om khawm
A khut in damtak in hong kai,
Vantung gamgi ciang dong ka nai.

3. Gamgi gal panin pak namtui
Huih nung hiauhiau tawh hong kizui
A vul ngeilo paakte palhin
Hin’na lui luang a tawntung in

INN PHA BEL AH I PAI DING HI

Key: G
1. Mi siangthote pai na dinglampi in
Pasian mai-ah a om ding hi.
Vantung khua mualah I pai ngitnget a,
Zingsol I tungah hong taang hi.

CHO - Inn pha bel ah I pai dinga
Lungdamna tawhI kimu dinghi.
Khua mun nuambel ei te’n
I phak ciang Dahna om nawnlo hi.

2. Lamnuam tawn mi siangtho honpite in Zion khua-ah a pai kik ciang

Meivak sungah namgimtui thunkhol un

Vantung khua-ah I pai ding hi.

3. Lam nuam tawn dinga I ngaihsut tek leh

Khat leh khat I ki-it na in

Pasian tawh eite I omkhawm ding a,

Nuam in I om tawntung ding hi.

4. Zawdan gungei a a votna gei-ah I din’ hangin

a gal khatah Topa Pasian tawh I ngap khawm ding a...

KA OM NA’NG KHUA A HI

Key: Ab
1. Ni a taang khatna gam lamah,

Nop sak na’ng gam lamah 

Aksi zong a taan’na gamah, 

Ka om na’ng khua a hi

CHO  -  Tua khuapi nuam, khut tawh bawllo,
Tua gam ei-ma a ding Tawntung
vantung mi’n la a sa Ei-ma omna ding hi.

2. Gimna tuakna gungal khatah
Lunggim tamna lamah Kikhel a
I nopsak na’ngah
Ka om nang in bawlta

3. Sihna tuipi gal khat lamah
Khuamial na gam sungah
Lungdam nuamna I ngah na ding
A taang in ka mu hi.

4. Mawhna leh hehna leitungah
Hong liah a mang sak hi.
Tawntung tua khuapi nuam sungah
Zeisu tawh om khawm ning

TUA LAI DAHNA OM NAWN LO

Key:A
1. Vantung ka ngaihsun hi.
Topa Pasian omna,
A kham maitang nisim mu ding
Nop kicing man ngahna
Dahna kipelh na mun,

CHO - Dahna kipelh na mun
Itna kicing vantung khamgam
Dahna kipelh na mun.

2. Vantung ka ngaihsun hi,
Hong teel Topa omna
Hong itna pha phatna ding la
Kisa tawntung ding hi.

3. Vantung ka ngaihsun hi.
Vantung mihing te in
Puanpak sih in a om uh hi,
Ei zong I om ding hi.

4. Vantung ka ngaihsun hi.
A tungsa I lawmte
Mu-a kikhen nawn lo ding,
A nuam tawntung ding hi veh.

VANTUNG MITE’N HONG PUA

Key: A
1. Sum haupa a inn pha bel kongkhak kiangah Topa Pasian ta khat a tu hi. Leitung ah gimna, tawlna khempeuh a ngah A sih khit ciang a nuam bel ngah hi.

CHO - A nopna sungah vantung mi te’n paipih

Van kim lai-ah la sa aw dim hi.

Vantung inn nuam sungah Topa in la hi.

A itte tawh nopna a ngah hi.

2.Gimna bei in si leeng, bang I piang ding maw, Ei mah in sin sungah ngaih sun hi. Leitungah nuntakna vangik pua bang hi. Dahna khitui luan’ nate om hi.

3. Zeisu nung zuite in sum a tawm hangin Vangtung khua-ah om sumlam dang hi. Ze-et bawlsiatna teng I pai san ding hi. Nung ciang kikhel ding lungdamna hi.

LIMN GAIHSUT DIDE KHAT

Key: Bb
1. Lim ngaihsut dide khat
Lungsim hong phawng pahpah,
Inn lam nai zaw’ng, tuni’n, tuni’n
A beisa nite sang

CHO - Inn tawh nai zaw’ng,
Inn tawh nai zaw’ng,
Inn tawh nai zaw’ng tu ni’n,
A beisa nite sang

2. Omna tampi omna,
Ka Pa innlam naih zaw’ng,
Kumpi’ to-khom naih zaw’ng,
Tuni’n Suangpaak tuipi naih zaw’ng

3. Vangikte ki ngakna,
Nuntak gamgi naih zaw’ng,
Singkhuam ngak ding nai zaw’ng,
Ttuni’n, Lukhu ngah ding naih zaw’ng

4. Lam ke’n ka sikkhialh ciang,
Ka kiangah hong nai in,
Inn tawh ka kinai zaw
Tuni’n Ka ngaihsut sangin-ah

KEI DAHNA KHUAMIAL, KOLTAN’NA PAH

Key: A

1. Kei dahna, khuamial, koltan’na pan, Zeisu, kong pai, Zeisu kong pai, Nang’ nuamna khuavaak, suahtakna lam, Zeisu, nang kiang kong pai, Kei natna pan nang’ damna sung ah, Ka zawn’na pan nang hauhna sungah, Ka mawhna sung pan, Nangma sungah, Zei sung nang kiang kong pai.


2. Zumhuai lelhna, supna panin ah, Zeisu, kong pai, Zeisu kong pai, Vaanglian na singlamteh meetna-ah, Zeisu, nang kiang kong pai, Leitung dahna pan nang khoina sung, Huihpi sung pan nangma daihna sung, Lunggimna pan nuam la sakna sung, Zeisu, nang kiang kong pai!


3. Pha theilo kisaktheihna panin, Zeisu, kong pai, Zeisu kong pai, Nangma deihna bangbang mang dingin, Zeisu, nang kiang kong pai, Ka pumpi nusia’n na itna sung, Lung kiatna pan vantung nuamna sung, Sang semsem leengto ning a tawntung, Zeisu, nang kiang kong pai!

VANGTUNG KHUA OM DING HI

Key : Ab

1. Vantung vaanglian hehpihna gam Mi siangthote inn a hi.
Ama kiangah om tawntung ni. Leitung na kheempeuh paai ni.

Leitung ni a bei ciangin ah Nung ciangin inn nuamah

Mi siangthote om na lamah Vantung khua om ding hi.

2. Tawntung inn nuam vaanglian gamah I lawmte tua gam om ding
Tua inn nuam sungah om dingin Mi namcin a khawm ding hi.

3. Hong gupna si-pha vaanglianpi Hehpihna gam teng zel sak
Hih gal gamah I om lai in Hong hehpihna thugen in.

4. Khat tang hih hang pai in gen ni, Leitung dahna kiam ding hi.
Lungsim deih teng tawntung omna Kim takin a om dinghi.

VANTUNG MITE LASAKNA KI ZA

Key: Ab                                                                                                                            ZBC  126

Vantung mite la sakna, zanglei tungah ki za hi. Mualsang ten zong sang sawn a, Lungdamna la ki thawn hi,

Thang…………………ta hen!Pasian minthang ta hen!

Thang…………………ta hen! Van a sangbel Pa…sian.

Tuucing ten no lungdamna, Nuamna late bang thu hiam? Vantung la ngaihno sakna, Lungdamna thu bang hang hiam?

Betlen khua ah hong pai-in, Notte’n zong hong en ve vua, Khazih Kumpi khuk din in, Note’n zong hong phat pih un.

DAI DIDE ZAN SIANGTHO

Key: Bb

Dai dide zan siangtho, mial khikhe tawm simloh,
Gal a naungek lupna kim,
Nu siangtho leh ama kiim,
Naungek limtak ihmu,
naungek limtak ihmu.

Dai dide, zan siangtho, thakhat in theihkholhloh,
Tuu cingte kim taang pempam,
Vantung pan phatna puak kham,
Khazih hong suak zo hi,
Khazih hong suak zo hi.

Dai dide zan siangtho, mipil ten, van en to.
Lam hilh aksi taang zui in lut uh hi.
Biakna lui in Ih kumpi hong suak zo,
Ih kumpi hong suak zo.

Dai dide, zan siang pen, Aksi pi’n hong tan hen,
Vantung mite bangin ah, sa un kumpi phatna la,
Hong honpa hong suak hi,
hong Honpa hong suak hi.

TOPA HONG SAPNA NGAI IN

Key: Ab

Topa hong sapna tu-in ngai in,
Buh-at dingin hong sam,
Buhat ding tampi in hong ngak zo,
Hih hang a at ding tawm.

Topa min in na mailam nawt un,

Itna deih sakna tawh, Ei hong gup khiatna thupha letsong,

Leitung teng thangsak ni.

Mawhna khuamial sung ommite kiang,
Pai-in va khahkhia ni,
Pai-in mawhna kolva sutkhia ni,
Mawhna hencip mi kiang,

Lunggim mite lungdamna sungah,
Itna tawh va zol in,
Ama nuntak tawntungna khomun,
Tua lai ei hong dawn ding.

BUH LOMTE KHAWM IN

Key: C

Zingsang tuh ding hi, ki itna khaici tuhin, Sunah tuh bang zanin zong tuh in a ci, A at hun ngak inla, a khop hun zong ngak in, Lungdamna tawh buhlomte i khawmding hi.

 //(Buhlomte khawmin)2 lungdam na tawh buhlom te ikhawmdinghi\\

Nisa sungah tuh in, a liap sungah tuh in, Phalbi leh tuk lai lungmanna om lopi, Na sepna zawh ciangin, kikhop hun hong tung ding, lungdam na tawh buhlomte i khawm ding hi.

Kap kawmin pai-in la, Topa aa ding tu in, Ki siatna in a hong dahsak hang a ci, Kahna khit ciangin,Topa’n hong sam ding a, Lungdam na tawh buhlomte i khawm ding hi.

LEITUNG AADING LAI SIANGTHO

BU Key: Bb

Leitung aading lai siangtho bu,
Hih pen zuih kim, cihkim hi hen,
Huihkhi-laan ciang tua dial ki peei,
Manpha thupha kizel thang hen.

Pasian kam mal khuavak hong puak,

Leitung tui tung mun khempeuh ah,

Khuamial sung avakthap mi-te,

Pasian vantung hong tun Thu bu.

A tun na peuh khamkhaua vak hi,
Kiliah zolo nitaang bang hi,
Meii bang liahte tui-mang ding hi,
Mawhna sepna a phel ding hi.

Pa mai tangah miteng puak a,
Mawh maisak itna tawh tang hi,
Adam khang pan a mangthang sa,
Hehpihna thu van pan thang hi.

Lunggimte a tawl dam sak hi,
Khitui luangte a hehnem hi,
Tha kiam lungvaite tha aguan hi,
Nuntak tawntungna silh sak hi.

GAM MINTHANG HONG PIANG DINGHI

Key: Bb

Vantungah gam a minthang bel eite aa dingin om hi, Kum simin mi siangthote ki khawm uh hi, Gam minthang tawh kinai theih nang in-ni in hong kheng hi, Gam minthang hong piang ding hun hong tungdek tak hi.

(Gammin thang hong piang a hun tung dek tak hi)2

Ki-sa khol-in, ka kha aw, Sawt lo pengkul tum ding hi,

kumpipa Minthang tawh hong pai ding hi.

Topa bawlsa vantung a gam minthang phuallung ngaih na in. Hong gum Topa hong pai ding hun ding i ngak hi, I thang-awkna hih leitung koltanna sun ah hong phel hi, Gam minthang piang ding hun tung dek tak hi.

Sawtvei I ngak ciangin hih leitungah lungkhamna tam hi, Meeikai manin mihing lungsim kisia hi, Gam min than’n thugen inla,la pha sa in hansuah in, Gam minthang hong piang ding hun hong tung dek tak hi.

MOPI HONG PAI CIANG

Key: E

I mei-vakte baih sa’n om diam ? Mopi hong pai ciang, I meei vak te taang sa’n om diam? Mopi hong pai ciang ,Tua zan ah, Tua zan dai ah, I mei-vak taang pha’n om diam? Mopi hong pai ciang.

( A baih sa’n om )3 Mopi hong pai ciang.

Vai-tutna aw i za ding hiam? Mopi hong pai ciang,Nuamna ot-na awi za diam? Mopi hong pai ciang,Tua zanah, Tua zan dai ah, I meei vak tang pha’n om diam? Mopi hong pai ciang,

Hong kheng kha ding a hih ciang in Mopi hong pai ciang,Na ki thawina zekai kei in Mopi hong pai ciang ,Tua zan ah, Tua zan dai ah, I mei-vak tang pha’n om diam? Mopi hong pai ciang.

TOPA HONG PAI DING

Key: G

Topa hong pai ding nung ciangin, Kithawi in hong pai ding, Van inn nuam panin hong pai ding, Kithawi in hong pai ding, Amah thuman i Topa hi, A tel sa te thupha pia ding, A Pa kumpi tokhom tu ding, kithawi in hong pai ding.

(Mopi Pa hongpai ciang na kithawi diam)2

Zingsang sun leh zan in zong na meivak te Taang pha in,

Mopi Pa hong pai ciang na kithawi diam.

A mah leitung hong pai baih ding, Kithawi in hong pai ding, A sawtlo-in pengkul za ding, Kithawi in hong pai ding, Halleluijah vanpan ging ding, Zeisu’n gupkhiatna hong puak ciang, Mei-vak hoih te’n Topa mu ding Ki thawi in hong pai ding.

En in,nanglehkeiaaidngin, Kithawi in hong pai ding, Asawt lo-in pengkul za ding, Kithawi in hong pai ding, Ei hong sam ding thukhen ni ciang, Gam khempeuh pan mun khempeuh ah, Amah kumpi tokhom mai ding ding, Kithawi in hong pai ding.

AW MISANG TAMPI’N ZAISA NING

Key: G

Aw misang tam pi’n zai sa ding, \Hong taang vanglian phat ni\ Ka Pasian vaang lianbelna leh, \\hong hehpihna phat ni\\

Aw ka limbel kei mah hong kha’n, \Taang bang damna hong piang\ Hih leitung mi khempeuh tungah, \\Na thupha dimta hen\\

Aw Zeisu aw Nang mah siang bel, \Damna leh lungdamna\ Mawh neite’n zong hong theih zawh nang, \\Ka muan’ lianbelna hi\

Mawhna khempeuh hong phelzo hi, \mi vaitham zong gumkhia\ Asi pha bel hong luang sak hi, \\Eite hong itna hi\\

DAWN UN, ZEISU MIN VANGLIANNA

Key: Bb

Dawn un, Zeisu min vang-lianna, (Vantung mite bok un,)2 kumpi lukhu hong la unla,

‘kumpi…………lian, kumpi, kumpi, kumpi, kum-pi lianbel pia un.

Pa-sian biak man thahna thuakte’n, (A mah kumpi bia un)2 Zi-se suan in phatna ngah hen,

Teel tuam I-ta-zi-lah te aw, (Tawm kha na hih hang-un,)2 Hong tanzo hi, hehpihna tawh.

MUH KHOPNA AH HIN’NA OM HI

Key: G

Singlamteh tung kikhai mi namuh ciangin, Thakhat thu’n hinna ngahta un ci, Tua ahih ciang mawh nei-te’n en un zong un, Singlamteh aki that pa en un.

En un, hing ta un, A ki khai mi-pa en in hinna ngah ta un,

Thakhat in hinna pha ngahta un.

Mawhna phel ding hi kei leh amah in ah, Bang ding singlamteh thuak nuam ding hiam?, Mawhna pan sihna tawh hong tan nuam ding hiam, A pang pan si bang ding a luang diam!

Ki sikna bekin mawhna kiphel zolo, A si bekin a hong phelzo hi, A si a hong bua Topa Zeisu kiangah, Na khialhna khempeuh hong puak in ci.

Hong sapna lung hian’na ding omlo ding hi, Kicing zo hi, ci-in hong sam hi, Lei a bei ciang khatvei hong pai lai ding a, Thu ka hong khen ding hi, a ci hi.

TUI KHUK KHAT A OM HI

Key: C

Sih khuk a dimin ki hong a, Sisan tui bang luang hi, (Tua si tawh ki phum mawhnei te, Mawhna tawh ki pelh hi. (Mawhna tawh ki pelhhi)2

A si mi mawh pa’n tua sih khuk, A muh ciang a nuam a, (Hih mi bang ka gitloh hang in, Mawhna kipelh theita.(Mawhna kipelh thei ta)2

A liamma-ah hong luangsi pha, Upna ka muh man in, Hong phelna ding itna la pha, Ka sihma teng sa ning,(Ka sih mateng sa ning)2

Nung ciang hih agik I pom teng, Sih han sung om lai in, (Topa hong phel lungdam teng, Vantungah la sa ning, (Vantungah la sa ning)2

It huaituuno na si manpha , Bei hun nei ngei lo ding, Gupna ngah miteng ki khawm ding, Mawh ngei nawnlo ding hi. (Mawhnei nawnlo ding hi)2