ZCD te maaban leh sepnate

Mipih Zomite aw,

ZCD in hanciamna tampi tawh minam aa ding ahun zui in na kisem toto hi. Kawlgam aa ding Federal leh Democracy tawh ki ukna ngahna dingin Kawlgam sung aa om party tuamtuam tawh kipawlin sem khawmin maa kipang hi. Kum 26 val hong hi ta hi.

Gam kiukna pen Mualtungmi ta ding a hoih thei penpen ding lunggulhna tawh kisem toto hi. Hih hun sung ah mipi tawh maapang khop theih ziahziah tam nai lo hi. Mipi lam pan in zong lametna tuamtuamte zong om ding hi.

2012 hunlang kitelna ah NLDte lut uh hi. Hih zong pen UNA leh NLD thukimna hi. Tua maaban zom ding leh kong hong kihong zaw deuh ahih manin hong tung ding 2015 kum kiteelna ah ZCD in teelpi cing ding kimuanna tawh kiteelna ah lut ding hi. ZNC in Kawlgam thukhunpi ahi 2008 pen deih loh luatna tawh 2010 kitelelna ah UNA (Mualtugmi minam party-1990 kum kitelna aa lutte) kipawlna leh NLD te tawh thu kimna kinei in kilut lo hi.

Hih bang hun ciangin khat guak bek thu tawh hi thei lo ahih manin Kawlgam kiteelna aa lut ding party leh mee kuanglui ding khempeuh i gamtatzia, sep ding/seploh ding, zuih dingte tawh kisai laibu khat (Code of conduct) ki bawl hi. Hih Code of conduct bu pen Kawlgam aa Union Election Commission (UEC) makai in, Sweden gamin huhna pia in, Nepal gam pan Election Commission Chairman (lui) pate makaihna hi.

Hih COC pen tuma 2014 pek in party khempeuh kimu khawm toto, kikum toto in party te i deihna bang aa kibawl ahi hi.

Hih laibu sung aa om a thute thukimna pen mipi tung leh leitung ah genkhiatna kimsakna pen party 67 le UECten suaikai (letmat htoo) in June 26, 2015 ni in Novotel Hotel, Yangon ah kinei hi. Tua hun sung ah ZCD pan pu Cin Suan Mang (CEC) in ZCD tang in suaikaihna va nei hi.

ZCD in Zogam aa dingin suakta takin mipi tawh thu kikumin mipi lunggulhna tungtawngin Zogam, Kawlgam le leitung dong ah gualzawhna tuamtuamte tawh minam lamsang ding cihcih pen hong tungta ding hi. ZCD ah i lungsimte pia ciat ni. I lungsim sung pan hong paikhia khensatna tawh ZCD panpihna tuamtuam pia ni. ZCD nungta sak ni.

Tu ciang hong tonpih Topa angvanna tawh,

Pu Cin Suan Mang
CEC, ZCD