RHB Insurrance: Malaysia a om Refugee te ading

RHB Insurrance

Malaysia om sung kuamah in mi gam ah bangmah tuak lo di cih kigen thei lo hi. UN card nei peuhmah hih RHB Insurance lei huai mahmah hi.
(Nang tawh na kinai na pen mun ZAM, ZRC, ACR, CRC, FRO, DAI cih hih Community Zum te ahi zong in UN zum ah ahi zong in koi koi ah kilei thei hi.)

1. Mimal (Single) a lut man - RM164.30 (Sum zat theih zah RM 10,000)
2. Innkuan (Family) a lutman - RM 206.70 (Sum zat theih zah RM 12,000)
3. Personal Accident (PA) mimal khat ciang - RM 12.20

Kum cing khin nasem theite peuhmah in PA zong na lei hamtang un. PA pen Accident na tuah zenzen leh na kibawlna sum bei teng lakpan RM 2,000 ciang hong sik di hi. Sihna (or)mibatloh suakna na neih zenzen lezong huhna sum RM 23,000 ciang dong kingah thei a, siatvehna RM 2,000 hong pia di hi.

ZAM Thupuak May 08, 2016; ZAM Thupuak Vol 10, Issue 48

UNCHR te thusiamna tawh Refugee leh Assylum Seekers te’n nat leh sat hun cianga sumlehpai lamah ih belh theih dingin REMEDI min tawh Insurance hong vaihawmsak uh hi. REMEDI pen Refugee Medical Insurance cihna hi. Nidang in hih REMEDI pen Tune Insurance te tawh a kizom hi a, tun ahileh tua kizopna hun ciangtan bei khin ahihmaninte tawh kizom ta uh hi.
TUNE Insurance te tawh a kizop hun sung un Insurance a nei Refugee te’n hamsatna pawlkhat tuak uh hi. Gentehna in Tune Insurance pen ih leizawh ni 60 khit ciangin nungta pan hi. TUNE Insurance card nei gige a Zato ah ih kilah ciangin thuneite in tua ei neih Insurance Card pen hong theihpih lo miau thei uh hi. Tua banah sum bei teng khempeuh zong ei lampanin ih piak masak kul a, tua khit ciangin TUNE te zumpi ah Zato ih kilahna laidal teng khempeuh tawh sum bei zah ih va ngetkik kul ahihmanin lampi sau in vaisah thei hi. Tua bek hi lo, khat veivei zumpi panin sum kingahkik lo thei lai hi.
RHB te ciangin tua bang om nawn lo ding hi. Insurance lei man bel tamzaw deuh cih bek hi in, a dangte ah vaisah lua cih bang om nawn lo hi. Medical Card khat hong bawlsak ding uh a, tua Card pen Bank card tawh kilamdang lua lo hi. Cihnopna ah tua Medical card pen Bank card danin sumkholna leh sumkhakna in kizangh thei cihna hi lo hi. RHB Insurance na lei khit naakleh na Medical Card sungah cinat ciang beka na zat theih dingin (Zato bek ah cihna) mimal ahileh RM 10,000 na om pah dinga, Innkuan ahileh RM 12,000 na om pah ding hi. Tua Medical card nei peuh lecin Zato na lup ding ciangin Registration Fee (RM50+) bek na piak kul dinga, tua lo Deposit cih bang nengneng nang piak kul kilkel nawn lo ding hi. Tua ahihmanin UNHCR pan a hong kivaihawmsak RHB Insurance na lei khit naak leh na leini mah in nungta pah cih thei inla, deih loh penin Zato na lup khak zenzen lezong na UN Card leh Medical Card pua khawm tangtang peuh lecin nang buai kullo in Zato te leh RHB te na kizom ziau ding uh hi. Tuabanah hih Insurance pen Refugee te leh Assylum Seekers Card (Laidal ahilo) tawi teng bek in lei thei uh hi. Midangte’n lei thei ngiat lo uh hi.
RHB Insurance tawh kisai theih huai phadiak te (GHS Kumpi zato tawh kizopna)
Hih Insurance pen Refugee leh Assylum Seeker Card (laidal hi lo) neite bek in lei thei,
GHS pen kum 16 -64 kikaal teng bek in lei thei,
Mimal lutman kum khat ai : RM 164.30/,
Innkuan (nulehpa leh kum 18 cingh lo tate thum) kum khat ai : RM 206.70/,
(Kum 18 cingh lo ta thum val a om leh a behlapna mimal khat ciangin RM 20 ta piak beh kul),
Mimal ahileh sum RM 10,000/ ciang bek kingah, tuazah a val leh nang piak ding hi ta,
Innkuan ahileh RM 12,000/ ciang bek kingah, tuazah a val leh nang piak ding hi ta,
Zato na lup leh Room saap man ni 30 ai hong piaksak ding, Intensive Care na lut leh ni 15 ai hong piaksak dinga, tua banah Siavuan zatman, van zat man, Mawtaw zatman cihte zong a vekin hong sik ding hi.
Cancer leh natnagil huh theihte ahileh bel Insurance a lei zawh ni 120 val a ngak phot kul ding hi.
PA – Personal Accident Insurance (Tuahsiatna tawh kisai ah)
PA leiman pen a tuamin RM12.20/ piak kul hi. GHS na lei leh PA zong na lei loh phamawh hi, bang hang hiam cileh ei pawl pen ih nasep hamsa ahihmanin tuahsia lo ding cih kigen thei lo hi. Ahizongin PA bek kitang lei thei lo hi cih tel ni,
Accident tuahna hangin sihna leh khantawn mibatlohna na tuak zenzen leh PA Insurance in RM 23,000 tawh hong siatvat dinga, misi innkuanpihte tungah zong gaalna RM 2000 zong kipia ding hi.
Kum 18 pan kum 64 kikaal ten lei thei,
Ih theih gige ding ah khamtheih guihtheih hanga Accident tuak, na neihsa pumpi tung or sung natna, HIV leh kumpi deih loh sepna hanga tuahsiatna cihte PA in huh het lo hi!
Tuaban ah Accident tuak a zato tung man lo, sikhaan ah kilak cihte bel ei sum piak phot kul a, tua khit ciang siavuante lai tawh RM 2000 nuailam ahileh a khuanungah PA in a beizah nang tung hong piakik ding hi.
Hih Insurance in a huhloh natna pawl khat:
Naupaai, nau suak, nau sia,
Gui awk, amah leh amah akibawlsia te,
Lungsim kicingh lo, mihai,
Pumpi sungah a tuamtuam laihna, a thak khek man beizah,
Zato ah ki-etsakna leh siavuan thudotna sum bei (zato lum lo cihna) cihte huamsak lo hi.
Dotbeh leh lei theihna munte
UNHCR Insurance Hotline – 012 330 6469 (Monday to Friday, 8am to 8pm)
PRA Assist: 011 330 19019 / 011 330 19020
Address: Suite E-09-01, Plaza Mont’ Kiara,
No.2, Jalan Kiara, Mont’ Kiara
50480 Kuala Lumpur
(Nai 24 sung / nisim kidong thei. Malay, English, Burmese leh Peter Khai om ahihman in Zomi pau zong kingah!)
RHB Insurance: 1300 220 007 (Fax – 03 2163 7277)
Address: Level 12B, West Wing, The Icon,
No. 1. Jalan 1/68F, Jalan Tun Razak,
55000 Kuala Lumpur
(Community zumte ah zong a sawt lo in Form hong ki koih ding ahihmanin kilei thei ding hi)

Sonoco Company ah nasemding pasal 20 kideih

Hihpen Company lianpikhat hi a, nasep dingpen Packing bawlding, Production Operator semding ahihi.
Nasep hun: nikhat nai 8:30 sung, Kalkhat khatvei Off
Khasum RM1000, OT naikhat RM7.86, nikhat OT nai 3
Omna pia, Transport vaihawmsak
Amun: Sungai Buloh, Sungai Chua, Rawang
Nasep alunggulh taktak te bek in hih Phone 0111 2828 482 ah min sazian hongpia un. Pawlkhat in minsazian mawkpiak uh a, ahunciang hongpailo uh ahih manin nawngkai mahmah theihi. Mi acin hunhun in Interview ni ding ZAM Facebook Page leh Thupuak cihte panin hongki zasakkik dinghi.

The Loaf Bakery ah nasep ngahte theihding

04 May ni Interview khin, nasep ngah mi 8 te pen 12 May 2016 ni in ZAM zumah zingsang 8:30am lap in navan uh tawh hongki thawipah un. Tuani Bank Card leh Typhoid zatui kisutding vaite hongki paisuakpih dinghi.

UN zumvai dawp theih nite

Mi pawlkhat te bangmah thu kankhol lopi in UN zumah a ma ut hun in gamlapi pan hongpai thei zel a, tuni mi dimkhin, ahihkeileh tuni na vai kan/dot theih ni hilo, zingciang hongpai in ci-in ki vaikhak ziau thei zel hi. Sum bei, gim leh tawl ban ah hun tampi bei a hong pai hing nacih hang phatuam lo hi. Tua ahihman in hihni te ah paitheihsawm in. IAD: Mon, Tue, Fri
RST: Mon, Wed, Fri
Zingsang 7am ma in tunsawm in. Motor tamlua cia na zekai leh nikhat a beibeh dingin theikhol pah in. ZAM zumpan inzong lai ki gelhsak theihi.

Tu kaalsung ih panpihtheih ZAM Member te

• The Loaf ah nasep mi 8 ki ngahsak
• Tualzaang pan sanggampa khat HUKM zatopi ah
• Tuilangh pan sanggamnu khat ACTS huhna ngetsak
• Mualpi pan sanggampa khat HUKM zatopi ah
• Singzung pan sanggamnu khat HUKM zatopi ah
• Kap Do nang leh Thang Nem Mung te Taste House Kitchen & Bakery ansai ah nasep guan
• Thalmual pan sanggam te khat IPR ah kibuaipih
• ZAM Member te ading UN vai UN ah laikhak 26 kigelhsak
• DS/File tuai UN ngah nailo member te tawi ding file zong ki bawl sak thei
• Valvum pan sanggamte khat IPR ah kibuaipih

Na UN vai nakan nuamhiam?

Na UN vai lunghimawh in kannop dotnop nanei hiam? UN Department tuamtuam ah lai gelhsaknop naneihleh ZAM Member te ading in pekkhatzong manngenlo in ZAM zumpan lai ki gelhsak theiden hi. UN Card hongki laksakte zong ngetkikna lai ki gelhsak theihi.

Laibu thak ki leithei

Christian Nuntakna ah a kisam theihhuai thute
Laimai 231, Laigelh Daniel Kauffman, Lailet Rev. Langh Khan Thang (D.Miss), ZAM zum ah bukhat RM10

Na UN Card Hongla In ZAM Zum Ah

Nu Nieng Ngaih Nuam (354-14C02008)
Lia Mang Dei Huai (354-14C02008)

Kimat kihen na tuahkhak leh

ZAM Card tawi te kimat kihen atuak na omkhak uhleh:
Sia Tuangpu: 016 254 4093, Sia Go Mang 018 202 1216

Lungdam Kohna

Mana Zomi Christian Church pan ZAM thupuak a ding
RM150 hongpiak manin lungdamna lianpi ih tangko hi.

Na UN Card Number lotngah sawm in

UN Card tawh akiman pawlkhat akimatphet in amante’n UN Card laksak uhhi. Zum atun ciangin amin leh Card Number abanban in dong uh a, tuamun pan UN Card Number atheilo, a lotngahlo te UN neilo, bangmah atawi vetlo in ciapteh sakziau thei uhhi. UN Card neipipi hong suaktalo, akimansuak ihcihcih tepen amau ii UN Card Number atheihloh manun kumpi theinei te’n bangmah tawilo in na ciamteh uh ahih manin thong akiasuaksuak pawlkhat omthei mawk hi. Sanggam aw, tumahmah in nang leh na innkuanpih te nakidong dih un. Na UN Card Number na theician taktak hiam? Tuabek thamlo Phone Number zong khat hamtang lotngah sawm in. Operasi aom ciangin UN tawitawh atawilo tawh alom in hongki manding hi. Tuakhit ciangin na Phone leh na vanneih khempeuh hong laksakding uh a, Phone Number khatpeuh na ciaptehtheih keileh thongsung Camp sung panin kuamah tawh ki thuza theinawnlo in na buaicip khakding hong kidahpih mahmah hi.
ZAM nabawlciang inzong nangmin tektek mahtawh na bawlding hoihzaw hi. Amin taktaklo tawh abawl te deihloh pen thongkia in innlam ciahnading Matpongtin ki vaikhakleh amin kibanglo ahih manin buaihuai mahmah a, aciahding hunin ciahtheilo in a awkcip omthei hi. Innlam ah nazat minmah tawh ZAM Card bawlzaw in.

ZAM kumcin leh Palaai kiteel hunding zaksakna

Hun leh nite hong bei zelzel a, ZAM kumcin leh palaai kiteel hunding zong hong naito hiaihiai ta hi. Tua tawh kizui in April 25 ni in ZAM kum (10) cinna khawmpi vai ding leh makai kiteelna ding vai ZAM Advisors teng tawh thu kikupna kinei thei hi. Kum (10) sung tawntung a nungta Pasian in haksatna leh gentheihna a tuamtuam sungpan hong kalsuanpih in Pasian’ hehpihna mah tawh ih Zomi Kipawlna hiciang maa a suanthei ih hihi. Makai kiteelna ding tawh kisai, akisam bangbang vaipuakna hong nei dingin anuai a Election Committee mi 7 teng kiseh hi.
Rev. Dr. Cin Sian Pau (Convener) Ph: 017 329 1810
Rev. Thawng Ngaih Khup Ph: 010 264 3312
Rev. Gin Do Khup Ph: 017 369 1478
Rev. Thang Do Khen Ph: 017 611 5622
Pa Thang Za Khai Ph: 012 621 2447
Rev. Gin Khan En Ph: 017 334 1760
Rev. Dai Sim Mang Ph: 016 6157 573
Minam itna leh veina takpi tawh hunbit a semnuam, aki piakhia nuamte hongki muak hi. Candidate akihel nuam khempeuh in atung a Committee te tungpan 01 – 31 May khakhatsung Candicate Form ki latheita hi. Theihding: Candidate alutding khempeuh Khua makai leh Pawlpi makai te theihpihna bektawh kisang dinghi.

Kumcin khawmpi & kiteelna:

Ani : 07 June 2016
Ahun : 11am – 5pm
Amun : ZAM Hall
Chief Guest: Australia pan Pu Zokhai
(ZAM Founder) zong hongki helding hi.

Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in. Anuai ah Comment Box pan inzong Comment, Feedback, Suggestion na piaksak inmaw…
Malaysia gamsung aom ZAM (Zomi Association of Malaysia) panin Zolai tawh kalsim in Newsletter neiden uhhi. Kuala Lumpur khuapi sung aom Zomi te kikhopna Biakinn Churches tuamtuam leh Zomi te paidiakna ansai Restaurants tuamtuam ah Printed Copy kikoih kawikawi hi. Ahi zongin Kuala Lumpur khuapi tawh aki gamla aom khuate ah ahunlap in ki ngahlo ahih manin, tuate ading khualna leh Internet azang leitung muntuamtuam gamtuamtuam aom Zomi te ading khualna tawh Zomi Daily website tungpan kongsuaksak zelzel uhhi.

Tg.Suan Lian Tuang MD Ph.D sinnang ngah

MD Ph.D Zomi Tangval Suan Lian Tuang(Tuangpi)in USA gam panin -MIT Health Sciences and Technology (HST) tawh Ph.D manin lungdampih mahmah hang. Amah pen Anlangh khua ah piang hi aa, Kawlgamah Tan 10 All D tawh zo hi. A nuai ah Zomi TV tanu te tawh 2014 kum interview na ah a sangvai dingte aki pan Ph.D a kahna dingdongah ki tel khin aa, khangthak te adingin etteh huai mahmah hi. Lungdampih mahmah hang.

Suan Lian Tuang

Tuang was born and raised in a rural town called Tedim in northwestern Myanmar. His family, practicing Christians and members of the Zomi ethnic group, immigrated to Orlando, Florida.
Seeing education as a key to helping his family overcome their socioeconomic situation, Tuang entered high school in the US as a junior, fully determined to succeed. With the mentorship of his ESL teacher, Ms. Jacquelyn Gomez, who instilled in him the belief that he could realize any dream in America despite his background, he was accepted to MIT with full financial aid.

At MIT, Tuang developed an interest in chemistry and conducted research in bioinorganic chemistry and systems biology as an Amgen scholar. He worked in the lab of Dr. Stephen Lippard at MIT and the lab of Dr. Ralph Weissleder at Massachusetts General Hospital.

Having benefited from service projects during his childhood in Myanmar, Tuang sought to implement community-centered service projects around the world. He served as the president of MIT’s International Development House (iHouse) and developed a passion for teaching, serving as a teaching assistant for two undergraduate classes and received the Frederick D. Greene Teaching award. During his senior year, he was awarded the Albert G. Hill Prize and was featured on the MIT homepage.

In 2014, after receiving his BS from MIT, Tuang became a United States citizen. Tuang is now pursing an MD in the Harvard-MIT Health Sciences and Technology medical program, and a PhD in chemistry at MIT. He is currently working in Dr. Bradley Pentelute’s laboratory. Tuang hopes to combine his chemistry expertise and medical knowledge to treat infectious diseases and neglected tropical diseases. He is guided by his faith to apply his training to help others. “Every day, I go back to the same Bible verse, Philippians 4:13,” he says. “I can do all things through Christ who strengthens me.”
src:http://imes.mit.edu/three-hst-md-students-win-paul-daisy-soros-fellowships-for-new-americans/

ZAM Thupuak Volume 10, Issue 47 (01 May 2016)

Hun leh nite hong bei zelzel a, ZAM kumcin leh palaai kiteel hunding zong hong naito hiaihiai ta hi. Tua tawh kizui in April 25 ni in ZAM kum (10) cinna khawmpi vai ding leh makai kiteelna ding vai ZAM Advisors teng tawh thu kikupna kinei thei hi. Kum (10) sung tawntung a nungta Pasian in haksatna leh gentheihna a tuamtuam sungpan hong kalsuanpih in Pasian’ hehpihna mah tawh ih Zomi Kipawlna hiciang maa a suanthei ih hihi. Makai kiteelna ding tawh kisai, akisam bangbang vaipuakna hong nei dingin anuai a Election Committee mi 7 teng kiseh hi.
Rev. Dr. Cin Sian Pau (Convener) Ph: 017 329 1810
Rev. Thawng Ngaih Khup Ph: 010 264 3312
Rev. Gin Do Khup Ph: 017 369 1478
Rev. Thang Do Khen Ph: 017 611 5622
Pa Thang Za Khai Ph: 012 621 2447
Rev. Gin Khan En Ph: 017 334 1760
Rev. Dai Sim Mang Ph: 016 6157 573
Kumcin khawmpi & kiteelna:
Ani : 07 June 2016
Ahun : 11am – 5pm
Amun : ZAM Hall
Chief Guest: Australia pan Pu Zokhai (ZAM Founder) zong hongki helding hi.
Minam itna leh veina takpi tawh hunbit a semnuam, aki piakhia nuamte hongki muak hi. Candidate akihel nuam khempeuh in atung a Committee te tungpan 01 – 31 May khakhatsung Candicate Form ki latheita hi. Theihding: Candidate alutding khempeuh Khua makai leh Pawlpi makai te theihpihna bektawh kisang dinghi.

Batu Arang aom ih Zomi pih cina te kiveh

22 April 2016 ni in NewLife 4U Ministry leh Sia Daniel Vum Khan Mung tawh kikop in Batu Arang, Perch 1, pasal koihna leh Perch 2, numei koihna a om ih sanggamte kiveh hi. Hihmun pen ACTS te thusiamna tawh damlo eimi tampi tak hong kepsakna mun ahihi. Hih mun panin lamet om nawn lo cina tampi takin damna ngah uh a, nasep zomkik thei uh hi. Tulaitak in Perch 1, Pasal koihna ah ih Sanggamte 5 om uh hi.
1. Mang Do Sut – Lomzaang
2. En Lian Khai – Muizawl
3. Pau Lam Khai – Khampat
4.Hang Za Khual – Nahnuai
5. Pau Gen Thang – Khuadam
Perch 2, Numei koihna ah;
1. Syamah Cingkuak – Tuimui.
Hih a tunga ih pulaakte a sanggam leh khuapih lakah a thei nai lo na om khak uleh cihna tawh hong kipulaak hi. A veh nuamten kiveh den thei lel hi. Ahizongin amun a thuneite zaksak kholh kul ahihmanin ZAM panin Siamah Ngaih Hau (010 823 0571) tawh na kithuza hamtang un. Batu Arang a cina kikoihte pen lungleng khuangai thei mahmah uh hi. Amun gamla ahihman in cina veh a pai zong kikhaat mahmah hi. Bangmah ih puak zo kei zongin thunget sak, lasak pih, holim pih leng lungdam mahmah uhhi.

HIV natna Free in ki Check sakthei

Damsiang theimello in lunghimawhna tuamtuam naneih leh ACTS ah sum beilo in HIV natna ki sitsak theihi. Monday, Tuesday leh Friday zingsang nai 9 pan nitaak nai 3 dong ki sitsak theihi. Adiakdiak in zineiding, pasal neiding te bangin HIV natna sitcian masaleh hoih mahmah dinghi. Nu leh pa te hangin HIV lungno angah omthei hi. Contact nading Sia Khual Ph: 016 267 9248

02 May 2016 ni UN Zum kikhak dinghi

ZAM Member te ading nasep pawlkhat

Nasep Interview ding zaksakna
The Loaf Bakery pan Boss te 04 May 2016 Wednesday ni 10am hun in ZAM zumah Interview bawlding in hongpaiding ahih manin, min piasa khempeuh ahunlap in hong tunsawm un.
Nasep nading mun:
Shamelin Heights Business Park mi 2
KLIA vanlengtual mi 4
Khasum RM1200 tawh kipanding
Nasep hun: nikhat nai 8 sung, OT nai 3 bang omdenthei
Day Off khakhat ni 5, Insurance Card leisakding
Omna vaihawmsakding, CIMB Bank Card bawlsakding
Nasep alunggulh taktak, KLIA Airport Outlet ah semzo taktakning ci’n min a pianuamlai te’n hih Phone 0111 2828 482 ah min sazian ki piatheilai hi.

UN zumvai dawp theih nite

Mi pawlkhat te bangmah thu kankhol lopi in UN zumah a ma ut hun in gamlapi pan hongpai thei zel a, tuni mi dimkhin, ahihkeileh tuni na vai kan/dot theih ni hilo, zingciang hongpai in ci-in ki vaikhak ziau thei zel hi. Sum bei, gim leh tawl ban ah hun tampi bei a hong pai hing nacih hang phatuam lo hi. Tua ahihman in hihni te ah paitheihsawm in. IAD: Mon, Tue, Fri
RST: Mon, Wed, Fri
Zingsang 7am ma in tunsawm in. Motor tamlua cia na zekai leh nikhat a beibeh dingin theikhol pah in. ZAM zumpan inzong lai ki gelhsak theihi.

Tu kaalsung ih panpihtheih ZAM Member te

Pau Lam Thang, Niang Deih Vung, Niang Lun Cing, Nun Nem te Camp ah ki buaipih
Sungai Buloh thongah mipih thongkia te vai ki buaipih
Sian Lian Hung (Sawbua) vai thong ah ki buaipih
Lian Sian Muang (Laitui) Sungai Buloh thongah ki buaipih
Ampang zato ah misivai ki buaipih
The Loaf ah nasem mi 3 kipuak thei
Zum pan REG, RSD, RST, RSC, DHS te ah member 19 te lai kikhak sak thei
DS/File tuai UN ngah nailo member te tawi ding file zong ki bawl sak thei

Na UN vai nakan nuamhiam?

Na UN vai lunghimawh in kannop dotnop nanei hiam? UN Department tuamtuam ah lai gelhsaknop naneihleh ZAM Member te ading in pekkhatzong manngenlo in ZAM zumpan lai ki gelhsak theiden hi. UN Card hongki laksakte zong ngetkikna lai ki gelhsak theihi.

Laibu thak ki leithei

Christian Nuntakna ah a kisam theihhuai thute
Laimai 231, Laigelh Daniel Kauffman, Lailet Rev. Langh Khan Thang (D.Miss), ZAM zum ah bukhat RM10

Tedim & Kawlpi sum ki khakthei

Shewkabar dawl 3 na Contact: Pa Khup 011 3343 3031

Namdang hilo, Zomi te mawtaw ki kawmthei

KL khuasung Contact: Thangkhek Ph: 017 365 3391

Lungdam Kohna

Darkhai Unau Malaysia kipawlna panin ZAM Thupuak panpih nading in itna, veina leh deihsakna taktawh phaltak in hong piakhia ahih manin lungdam mahmah hi.

Dahpihna

Tg Lian Za kim, Hautong beh 27 April, 2016 (Wednesday) in suak a, a suahni 10:00pm hun in Ampang zatopi pan hong beisan hi. Tg. Liankim pen Limkhai Khua Pa Hau Suan Sian Muan Pau leh Nu Zen Deih Lun Phaiza khua te tapa hi a, a nu leh a pa ZSM member a hihnazui in hanmual kitang sak hi. A nutsiat innkuan pih te tawh kibang ZAM zumpi pan in dahpihna I pulak hi. A lamdang Topa’ Khasiangtho in hong ompih tahen. Amen

Kimat kihen na tuahkhak leh

ZAM Card tawi te kimat kihen atuak na omkhak uhleh:
Sia Tuangpu: 016 254 4093, Sia Go Mang 018 202 1216

US Embassy pan Visa 93 Contact ngahlo te

US gam atungsa azi apasal te’n Visa 93 or I-730 Form tawh asap uh ahi Applicant mi pawlkhat US Embassy pan Contact ngahlo ahih manin ZAM Palai te tungah hong zasaksawn uhhi. Zomi veve amin gelhzia atuamtuam zong omthei ahih manin, avekmah in hong suaksak ung. A theikha te’n phone 018 354 2927 ah hong zasakpah un.
Petitioner: Phway Khain
Beneficiary: Khain Sui
Petitioner: Nah, Ha
Beneficiary: Chan Hmun
Petitioner: Kyi Myit Myit
Beneficiary: Htun Than
Petitioner: Phway Khain
Beneficiary: Hluan Sui
Petitioner: Hassan, Adan Abdi
Beneficiary: Hani Bashi Abshir
Petitioner: Tuang, Suan Khen
Beneficiary: Hau Vang Don
Petitioner: Hmung Cing Za
Beneficiary: Mang John Hat
Petitioner: Mung Zam Sian
Beneficiary: Hniang Abigail Dawt
Petitioner: Sein, Sai Mya
Beneficiary: Nyunt Sein
Petitioner: Aung, Myint
Beneficiary: Bawi Zing
Petitioner: Osman Abdirahman Ahme
Beneficiary: Gedi Nasro Adan
Petitioner: Hre, Thuan
Beneficiary: Sui Te
Petitioner: Mung, Dal Khan
Beneficiary: Kim Deih Lun Zo
Petitioner: Mung Zam Sin
Beneficiary: Thawng Josef Cung Tha
Petitioner: Za Luai
Beneficiary: Sara Thian Hnem Kim
Petitioner: Mang Kam Sian
Beneficiary: Nem Ning Khan
Petitioner: Nai Kyaw Shwe
Beneficiary: Fnu Mon
Petitioner: Nai Kyaw Shwe
Beneficiary: Fnu Mon
Petitioner: Ja Kaw
Beneficiary: Aung Nay
Petitioner: Sein Sai M
Beneficiary: One Sai Seng
Petitioner: Pau, Nang Sawm
Beneficiary: Ning Sian Muang
Petitioner: Aung, Gam
Beneficiary: Sargung Kaldam
Petitioner: Tum Ceu, Tum
Beneficiary: Fnu Zung Men Tial
Petitioner: Dai, Zawng
Beneficiary: Ah Mee Leme
Note :: PDF tawh na simnop leh
Hih link >>> PDF File tungah namek lecin Download kullo in PDF Version tawh ki simthei pahding hi. PDF File tepen ihtheihsa mahbangin Mobile Phone sangin Desktop PC tawh a etdan lemzaw khading hi.
Newsletter pen PDF tawh akikoih hi a, ki simtheilo ahih keileh hamsatna khatpeuhpeuh aomleh hehpihna tawh ong zasak kik in.

Thupuak Volume 10, Issue 47 (01 May 2016) by ZomiDaily

Tg.Suan Luan Tuang Ph.D sinlai Soros Fellowship ngah lungdampihna

PAUL & DAISY SOROS FELLOWSHIPS NGAHTE LAKAH ZOMI KIHEL 

April 15, 2016: US gam-a gambeelte (immigrants) leh naupang gambeelte (child immigrants) graduate school fellowship a bawlsak Paul & Daisy Soros Fellowships for New Americans (Soros Fellowship a kici ziau) ten tu kum adingin fellowship ngahte min pulakna nei uh a, mi mi 30 lak panin Harvard-MIT Health Sciences and Technology (HST) sangnaupang thumin a nasep khiatnate (contributions to US society, culture, or their academic field) hangin a min uh kihel hi. Hih HST sangnaupang 3te pen Vishwajith Sridharan (Southern India mi; Harvard ah HST MD program leh MBA program sin), MD-PhD degrees HST program sin tuak Suan Lian Tuang (Kawlgam mi) leh Eran Hodis (Israel mi) ahi hi. Tu kum in hih fellowship ngah theihna dingin laisiam vive sangnaupang 1,443 in ngetna lai khia uh a, tu kum pen hih fellowship ngahna ding a haksat pen kum hi ci'n a kiciamteh hangin ei Zomi sung panin khat i kihel khak pen angtang huai mahmah hi. 2013 in zong HST sangnaupang nga in Soros Fellowships na ngah ngei uh hi.

VISHWAJITH SRIDHARAN
Vishwajith (Vish) pen India leitaw mi hi a, a neu lai-in a pa'n India ah nusia a, a nu'n nasepna tuamtuam nei ahih manin a pi'n lai theihna tawm khat bek a neih hangin kem a, a pa'n US panin sum khak zel hi. Kum kua a phakin a nu leh a sanggamnu tawh US ah a pa' omna New Jersey ah gambeel dingin pai uh a, tan thum panin US ah sang kah kipan hi. A hanciamna hangin kum 15 bek a phakin Washington DC ah Children’s Hospital ah nasepna ngah a, hih zato ah HIV zatui kisutna ding bawlte lakah kihel a, za khat mukhia hi. Chapel Hill a om University of North Carolina University  ah a kah kumin a pi'n carcer natna hangin nusiatsan hi. Tua khit a kipanin Carcer zatui lamsang ah hanciamnopna nakpi takin hong nei hi. College research a bawl lai-in NSF ten huhna na pia uh a,  protein thermodynamics kici research hong bawlna panin  Molecular Cell and the ACS Journal Biochemistry ten publication a bawlsak banah Goldwater Scholarship Foundation panin min phatna zong hong ngah hi. 

Leitung mun tuamtuam-a haksatna thuakte thu kanna hong kipan a, Uganda gam-a singtangmite adingin healthcare infrastructure bawlsak in, gam zawngte zatui lauhuai panin a kikeptheihna ding uh na a sepna hangin Switzerland gam pansan UN ah internship ngah hi. Tu-in Harvard-MIT Health Sciences and Technology program ah MD sin a, cancer zatui bawlna ding nakpi takin a hanciam banah mi zawngte cancer panin kikepna theihna ding hanciampih a, Harvard Business School ah zong MBA sin khawm lai sawnsawn hi.

SUAN LIAN TUANG
Tuang pen Tedim khua mi hi a, Orlando, Florida khua ah teng in US gammi hihna zong ngah ta hi. US ah gambeel in a lut cil in high school ah junior panin kipan pah hi. A sianu Ms. Jacquelyn Gomez in na zawn' khilkhial mahmah hangin na hanciam peuh leh US mite na dem zawh loh ding om lo hi ci'n tha na pia hi. Sum tawh huhna (financial aid) ngah thei ahih manin MIT ah kah zo hi. MIT ah hong kah a kipanin chemistry lamsang lunglutna lianpi nei ahih manin Amgen scholar hong kipanin bioinorganic chemistry and systems biology ah research hong bawl hi. MIT ah Dr. Stephen Lippard' lab ah sem a, Massachusetts General Hospital ah Dr. Ralph Weissleder' lab ah nasem hi. 

A neu tung panin Kawlgam ah service projects tuamtuam a theihna hangin leitung mun tuamtuamah community-centered service projects lamsang nasep ding lungulh in hanciam hi. MIT’s International Development House (iHouse) ah president hong len a, lai hilh lamsang uk mahmahna hong nei hi. Undergraduate class nih ah lai hilh a, a nasepna hangin Frederick D. Greene Teaching award kici pahtawina ngah hi. MIT ah Senior year a sin lai-in Albert G. Hill Prize kici pahtawina ngah a, MIT homepage ah a maan kituangsak veuvau hi.

2014 in MIT panin BS degree ngah a, US gammi hihna (citizenship) zong ngah sawnsawn hi. Tuang in tu lianin Harvard-MIT Health Sciences and Technology medical program ah MD a sin lai tak hi a, MIT ah zong PhD in chemistry sin kawm a, Dr. Bradley Pentelute’ laboratory ah nasem hi. Chemistry leh zatui lamsang pilna (medical knowledge) a neih manin gamlumna gamte ah natna kilawhsawm thei (infectious diseases and neglected tropical diseases) tuakte huhna ding leh zatui lamsang nakpi takin hanciam hi. Tuang in a genna ah, "Nisim in ka Lai Siangtho simna mun Filippi 4:13 "Khrih in hong piak piak vangliatna tawh hihte khempeuh nawkzawhna ding thahatna a nei ka hi hi," a cihna mun ka sim den a, ka upna in midangte huh theihna ding hatna leh tha hong pia hi" ci'n gen hi. 

ERAN HODIS
Eran Hodis pen US gamah Israel gambeel khat tapa hi a, a pa' sepna nei ten a pa US ah a nasepna laih uh ahih manin US hong tung kha hi. A nu leh pa' nasep hanciamna etteh in a laisimna ah nakpi takin hanciam hi. A neu tung panin math leh science uk mahmah a, advanced coursework sin theina dingin Massachusetts public school system ah kah hi. Boston University panin math leh biology ah bachelor degree a man khitin Israel ah ciah kik a, Weizmann Institute of Science ah computational biology graduate sin hi. A nu'n carcer natna hong ngah manin Boston, US ah hong ciah kik a, cancer tawh kisai research hong kipan hi. 

Broad Institute and the Dana-Farber Cancer Institute ah cancer genomic research a bawlna hangin cancer natna kanna tawh kisai lawhcingsak tuam mahmah hi. A research leh a nasepnate  Nature, Science, Cell, and Nature Genetics ah kisuaksak in, New York Times in zong a front page ah suaksak hi. 2015 Forbes in Science lamsangah “30 Under 30” in science ci'n a ciamtehna lak panin a min hong tuang hi. Research lab pua-ah a om ciangin science a ukna thu genna nei kawikawi a, Harvard College ah computational biology thu tawh kisai thu genna nei zel hi.

Tu-in Eran pen HST ah MD-PhD a sin laitak hi a, Harvard University ah zong PhD in biophysics sin khawm lai hi. Cancer zatui bawl ding nakpi takin hanciam hi. 
—

Daisy M. Soros leh Paul Soros (1926-2013) in 1997 kumin Soros  Fellowship program na phuankhia uh hi. Amau gel pen Hungary mi hi a, ni dangin gambeel mi mah na hi uh hi. Soros Fellowship program in a beisa kum 18 sungin gambeel sangnaupang 550 tungah fellowship na pia khin zo a, a sum tangin $ 75 million na pia khia ta hi. Hih fellowship pen sangnaupangte nu leh pa gamdangmi ahite bekin ngah thei hi. 

-INSTITUTE FOR MEDICAL ENGINEERING AND SCIENCE

2016 a 68na Zomi Nam Ni pawi Bawlnate

Hih mun ah #Zomi_National_Day aihkeh #ZND vai i gawmkhawm di hi.
Posted by Len Nupa on Saturday, February 20, 2016