ZCD Maban pawlkhat

Tedim Khuapi a mipi patau sakgawp in Dawihon akuut keei uhhang Zomi Te Biak Pasian Zomi te party ZCD thupha ongpia in Mipi te in Zomi mah ki it ciat a, Iminam Party kicitek ahihman in amunmun ah manawt mahmah hi. 

10-24-2015 Khalkha Khua Ciinnuai Khuado pawi ah Pu Cin Sian Thang sam uha Zomi sung ah Lasiam mahmah Niangboih adang mi 9 in zui uhhi. 

Laailo Khua leh Zozang khua ah ZCD te sam uha, Bawng gawh tuak uhhi. Anu kitel nailo phot

10-27-15 Tungzang Khua ah ZCD te sam uha Sial 4 gawh in Khuazang bup in Khuamual pan nasia tak vaidawnna neiding uhhi. Khua kiim khuapaam sam zihziah ding uha., Gualzawhna pawipi khaamkhol ding uhhi. Tungzang ten bel lelh leh zawh tawh kisailo ZCD taisanlo ding cigiap uhhi. 

10-28-15 Tuithang Khua ah ZCD te sam leuleu uha, Sial talpi khat gawh in tutpih zihziah ding uhhi. 

10-29-15 Niciang Tuicin Lui leh Ngalbual ah ZCD te sam uha Sagawhna mah neiding uhhi. 

Laaitui Khua ten zong sam Sialgawh in Khuazang in dawnding geelna nei uha, Ani ding kitel lian nailo hi. 

10-26-15 Ni in Tedim Lawibual ZBCM Pawlpi te ZCD Zumpi ah hawh uha, Nasiatak Siansuahna leh Thupha piakna thu ngetsakna nei uhhi. 

10-30-15 Ni Tedim Khuapi laaizang Zolengthe bul ah Tedim gam a Kuanglui ding party 8 pan abanban thugensakna ZYA ten neisak ding uhhi. 

Kiteel madeuh in ZCD in atuam in Tedim Khuapi sung ah nasia tak in thugenna neiding a Zomi Zogam itna ngaihna La te Zomi Lasiam ten awi ngelhngelh ding uhhi. 

Zomi ki it tek ahihman in Khua kim phial ah ZCD te kisam kik a huntoi lua ahihman in masasa in zawh tantan paikik ding uhhi. 

Tukum Campaign peen USDP, CLD, NLD, CPP, CNLD,NUP cih te leh adangdang ten mi zolbawl in Vanhawm, Sum hawm cih bang in zol uh ahihman MP ngahkei le uh Vokkuang tunlawh dingdan uhhi. 

Ahizong in Zomi te Party ZCD ahih leh Mipi muakna itna te amuh uhciang nosuak seemseem uha., akhua ul uhbang Sialsa namheel dan hi. 

Zomi te Biak Pasian minthang tawntung ta hen!

Thang Khawn Pauzomi

GZA Tung Ah Report Piakna

It & Zahtak Mahmah GZA Makaite
Tukha 20 ni zan in Dr Sian Nun Siam in GZA ii Disaster Relief Committee tangin workshop khat na kah thei diam hong ci aa, midang akilawm zaw ding omlo ding ahiam ? Ka cih ciang in "NGO paizia nang sang atelzaw ding ngaihsun zo paklo kahih man un nang mah hile cin hoih pen in teh" hong cih ciang in kana mang hi.

Workshop nahi lo zaw in Conference nahi zaw aa, a conference pen Yuzana Hotel ah 21 - 23 ni dong ni 3 sung kibawl ahi hi. A thulu pen Conference to Coordinate Chin Disaster Response and Reconstruction Organized by Chin Committee for Emergency Response and Rehabilitation (CCERR) hi. 

Numei naupang' telding in gen ni cileng Chin state bup dongtuahna hang a supna baina khempeuh ditkik zawhna ding baan ah ahoih zaw leh anuam zaw nuntak khuasakna neih zawhna ding hanciam sawmna ahi hi.


Leitung mun tuamtuam pan aa dongtuakte ahuhden Funder/Donor te' lunggulhna zong hi pipen dan hi.
Ong huh nuam te'n "A nengneng in kong huh uh sang un navek un thakhat thu in kong huh theihna ding un kipawl khawm in hong ngen un" cidan uh hi.
Hih Conference ah huhna hong pianuam kipawlna atuamtuam, Chin state bup pan pailai te, Sagaing pan palaite, Magwe gam pan palaite leh Rakhine gam pan palaite vekpi gawm 125 kipai hi.


Tedim pan in Tedim Youth Fellowship (TYF) te mi 4 hong pai uh aa Pu Nung Sian Tuang in hong makaih hi.


Ani masa ni in Khuapi tek pan in donghtuah zia leh supna bainate tawh kisai sazian te kician tak in pulakna kinei tek hi. Tedim gam tawh kisai TYF in tawm hong pua uh ahih man in tuate genkhiatna Pu Khup Mung (ZCD) in nei hi. Tonzang tawh kisai bel sazian akician in kipia zolo hi.


Ni nih ni in akhawk khawk in hong khen uh aa ei' khawk sung ah dongtuahnate bang ci lamh kik ding ? Inn leh lo, khawi leh vulh, nek leh tak, nasep sil bawlna, lokhawh singpuakna, sum zon pai zonnate angei abat kik nading ban ah ahoih zaw ding in bang cih ding ? Cih khawng thu tampi tak kikupna kinei hi. Tonzang, Tedim, Falam, Hakha, leh Htan Tlang teng khawk khat in hong koih uh hi. 


Atawp ni (ni 3 ni) ciang in akhawk khawk aa kikupnate sepkhiat theihna ding in Chin Committee for Emergency Response and Rehabilitation (CCERR) phuat khiatna (or) kipsakna kinei hi. 

CCERR ki vaipuak zia ding kikupna ah GZA tang in thu kana genna ah "Gamvai ah na ih sepkhop theihna ding hamsa mahmah ding, biakna vai ah nidang in ZBC nuai ah ih pankhop theih hang in abeisa kum 20 lai aa kipan ih kitamh khinta hi, tu in dongtuahna hang in mapang khawm thei ding din mun ah om ih hih man in ko GZA te ka lungdam mahmah uh hi. Sawtpi ih kalsuan khop theihna ding in hih dongtuah vai aa nasepkhopna ah nainganzi (politics) ong hel kei tapeuh un, nainganzi kipawlna khat peuh ii khut nuai hong tungsak kei ta peuh un" kaci hi. Hong nial omlo aa principle guideline sung ah kihel pah hi.

CCERR Main Committee sung ah mi 50 om ding aa tua 50 te anuai aa bang in hong kahto ding hi.
1. Biakna kipawlnate pan mi 10
2. Dongtuak khuapite khat pan mi 1 ta leh Sagaing pan mi khat, Magwe pan mi 1, Rakhine pan mi 1 avek in mi 12
3. Nambat nihna dan mah aa Zangkong aa Township Association ciat pan mi 1 ta avek in mi 12
4. CSOs (Civil Society Organizations) pan mi 8 (Hih mi 8 agualhna lak vuah Tedim Tonzang lampawl khat mahmah kihello ahih man in TYF hong guansak un kacih leh hong mang pah uh hi)
5. Mimin thang tuamtuam(gtn. Thet Mon Myint, Sungtinpar cihte pawl) pan mi 8.

Biakna kipawlnate lak pan in ei' lam zawdeuh pan Tedim Baptist Convention (TBC) bek kihel in adangte bel CBC, Kalay Diocess, Pyay Diocess cihte pawl hi. "A ut uh diam bel thei keng in ZBCM zong hong helsak un. Nasem taktak ding ih hih leh amau lotawh piang tuanlo ding hi" ka cih ciang in hong mang uh hi.

Hunte nuamtak in akizawh ciang in tawpna thugenna ah GZA tang in hong gensak uh aa "Bang teng in ih sung ah kilemlohna hong piangsak hiam cih pen tangthu enleng teltak in ki muthei ahih man in kidop ding hipah hi. Salai leh Mai khawng adeih te'n suakta tak aa suan theih hi aa adeihlote zong thatang tawh suansak ding hi zenzen lo hi. "Zomi" akicih teh no tawh kisailo bang in ngaihsun kei un. Zomi, Chin, Kuki cihte ami khat bek mah hi. Min tuamtuam anei hilel hi. Pankhop ding ka utluat man in 2004 kum Than Shwe hun lai, alau huai mahmah hun lai nangawn in CNF te' Camp Victoria aa kibawl Chin Concensus Building Seminar ah na kah ing. 2006 kum aa ZRO/ZRA te camp ahi Mt. Sinai aa kibawl The First Chin National Assembly ah na kah ing. Lutol buai lai (suffron revolution) lai in zong minam puan silh aa ana kitom pa hi'ng. Ka gennopna bulpi ah pankhopna thupi kasakna agennuam kahi zaw aa tua hong susia thei nainganzi leh biakna vai hong lutsak kei tapeuh un" kaci hi.

Township Association palai ding pen haksatna om ken cin Tedim leh Tonzang gam pan aa palai dingte pen TYF in hong vaan ding aa November kha ni 5 ni ma in amin apuam hong puak ding uh hi cih zong thu kikupna sung ah na vaikhak ing.
Main committee nuai ah Executive Committee mi 15 tawh kiphuan hi. Tua lak ah zong Tedim gam bup ai mi 1 puak lai kulding ahi hi.

Thukhupna
Tutung ih dongtuahna tawh kisai in ei' hanciam zawhna tek tawh ih mapan tek pen kiallap mahmah hi. Rehabilitation ah bel mipil misiam te tawh ih kizolh theih kei leh ih sumh mahmah ding hi.
Tulaitak ih dinmun lian ah Tedim gambup kikhai khopna leh Tonzang gambup kikhai khopna cih bang neizo nailo ih hih man in tua kikhai khopna amanlang thei pen in ih neih ding kisamh mahmah hi.

Ong huh ding zong om, mipil misiam ei tawh apang khawm nuam zong om hi aa ei' lampan kipawlkhop siamna bek akisam ih hi hi.
CCERR in long term planning zong nei ahih man in ih tonkhop zawh kei leh ih sumh mahmah ding hi
Pasian in ahunlap lian aa hong lak hizaw in kangaih sun aa hoihtak phatak ih pom theih lian zawhna ding hanciam huai in kamu hi.

Lungdam in zahtakna lianpi tawh
Mung Laan Thang
Zangkong
(Tedim kampau a omthei teng ka kizaihna uh hong attach ing)

Zomiten i ngaihsut ding thu pawl khat

October 20, 2015

ZOMI TEN I NGAIHSUT DING THU PAWLKHAT

Amasa in, kiteelna tawh kisai tawm gennuam hang. Kawlgam kiteelpi

ding ni 19 bek in sam ta hi. ( A om takpi ding ahih leh!). Mee piakna

ah a mi enzaw ding maw, a party enzaw ding cih tu laitak in mi tampi

in buaipih hi. Party pawlkhat in ‘a mi en kei unla a party en un’ ci

hi. Party dang pawlkhat inlah ‘a party en kei unla a mi en un’ cizel

uh hi. Tua ahih leh e’n bang i en tam?

Ke’n anih in ethuai sa ing. Party i en a, mimal i en zong in thu

nih bek etziau ding hoih ka sa hi. Amasa in, hih party/ mimal in gam

leh minam avei taktak hiam? Gam leh minam aa dingin asem nuam takpi

hiam? Aituam meet nading ciang bek peuh a en lel hiam, cih et masak

huai ka sa hi. Kawlgambuppi i et ciangin party tuamtuam lakah ‘hih

party te in gam leh minam avei takpi hi,’ cih theih ding party pen

muhkhiat hak khollo tawh kibang hi. Zogam ah zong party tuamtuamte’

thugenna leh sepna tungtawnin ‘hih party in gam leh minam veipen ei,’

icih ding omkhin khangel ding hi. Gam leh minam avei party leh

mimalte mah mee piakhuai hi.

Anihna ah, Pasian kihtak zahtakna anei, Pasian amuang party leh mimal

mee piakhuai ka sa hi. Hih pen Kawlmi party sungah kizang thei khol

kei incin, ahi zongin Zogam ah party ahi zongin, mimal ahi zongin

kizang thei ding hi. Lawhcinna, daupaina pen Pasian kiang pan ahih

manin Pasian amuangte bek mahin i lam-et bangin gam leh minam aa

dingin hong sem zo ding uh hi. Pasian anei Zogam ah Pasian theilo

makai khawng neih ding pen deihhuai masa hetlo hi. Zogam aa dingin

bang party ahi a, kua minam ahi phial zongin Pasian athei, Pasian

azahtak makai lunggulh huai mahmah hi.

Tu’n mailam kalsuanzia ding tawm gen nuam hang. Mimal kizopna,

kimaingapna (interpersonal relationships) pen leitungah thupi mahmah

hi. Pasian mahmah in zong mimal kizopna thupi sa hi. Bangzah ta in

gina ta kei lehang Amah zuanin, Amah sang lehang Pasian in tapa zaa

hong pia hi. Gina mahmah in pahtak huai keei ta lehang Amah i awlmawh

keileh Pasian in zong hong awlmawh lopah hi. Pasian thupha i saan

nadingin Pasian mai zon kul hi.

Tua bang tektek in leitungah zong hamphatna i ngah nop leh thuneite

mai i zonsiam ding thupi mahmah hi. “Ei kilawmpen hang, ei ginapen

hang’ ci-a tut liuliau tawh hamphatna kingah lo ding bek thamloh-in

kingah lo khin zo hi. Zogam ah district ngah dingin ei Tedim

kilawmpen napi hangin Haka in ngah hi. Vanlengtual bawl nadingin

Saizang khuataw a tualpi hoihpen napi Falam in ngah hi. Ei te in i

kilawmna, i ginatna suangin i tut liuliau laitakin i lawmte in

thuneite mai na zong uh a i hamphat nading teng tuahkhia pahpah uh hi.

Hih maitang zonna, maivilna pen zuauthu tawh ahih kei nakleh Pasian

zia leh tong khat zong himai hi. Joseph in atunna peuhpeuh ah a pute

mai vil zo ahih manin maipha ngah kawikawi a, atawpna ah Egypt gamah

Pharaoh zom a lianpen hong suak hi. Esther in a pasal kumpipa mai vil

zo ahih manin a mite sihna pan honkhia zo hi. Tua ahih manin, hih mi

tawh kizopsiamna pen Kawlgam paizia kia peuh i sakkhak loh ding thupi

hi. Leitung paizia hi. Leitung ki-ukna bek zong hi loin biakna

sung, innkuan sung dongah a kisam thukhat ahi hi. Tate sung nangawn

ah nu leh pa mai avil zote mah hamphapen lel hi.

Ei Tedim lam Zomite pen akhang akhang in thuneite mai vil cihte pawl

kivazo phalo hileng kilawm hi. A kiphasak ihiam, a meidawi ihiam, gam

leh minam avei zo taktak lo ihiam, kiniamkoih a mimai zon ding pen

haksa kisa mahmah laizang hi. Mailam ah hih laimun i kipuahphat

keileh bel hamphatna ngah ngei lo ding hihang. Angah huai hamphatna

tampi i khahsuah pen i pil loh man, i tei loh man, i hauh loh man ,

mimal i tawm man hi peuhmah loin i lawmdangte banga thuneite tawh

kizop i siam loh man hipen hi ci-in ka mu hi.

Thuneipen hileng bel mimai vil kul lo hi. Tua ahih manin thuneipen

mun tuhsawm ding maw, ahih keileh, thuneite maivil zawding cih thunih

bek om hi. Thuneipen mun tuhzo leng bel hoih penpen hi. Kuamah

maivil kul loin ei deih bangin vai kihawm thei ding hi. Tu laitak i

dinmun pen thunei mun lah tuh zo taklo, thuneite lah maivil nuam lo,

ei tumtaka gal ciakciak pongdan khat hileng kilawm hi. Hih bang

dinmun tawh bel i mailam bing mahmah mai dingin ka um hi. I khuadak

zek keileh hong kimakhelh mangkhin ahih manin phazo nawnlo a i om ding

dahhuai ka sa mahmah hi.

Tua ahih manin, mailam ah kiteelna tawh akah ding gam makaite ihi

zongin, kumpi nasem uliante ihi zongin Pasian muang sa in gam leh

minam vei cihtaka i vei ding i kihanthawn nuam hi. Gam leh minam

hamphat nang ahih nakleh hangtak leh kiniamkhiat takin ma pangciat dih

ni. Thuneite tawh zong ki-it, kithei in, thuklut sawm ding hang a,

gam leh minam hamphat nading khat peuhpeuh maitang singhawl belh

liang mahin phu tentan ding hihang. Tua bang i sep manin zakiatlawh

pah khollo ding hihang. Mordecai, Esther, Daniel te in sihdaan kipia

thei ding dinmun panin gam leh minam veina tawh khauhtakin adin uh

ciangin a zakiat uh cih thadah thupha sanlawh zawsop uh a, kumpite

zomin ulian pipi suak uh hi.

Zomi ta dingin Mordecai thak, Esther thak, Daniel thak khat kisam

mahmah hi. Topa mai zongin, nakpi in thungen dih ni.

Khazih leh Zomi sungah,

Sia Do Suan Mung

Nu in a tanu Mopawi ni akam vai khak

Ka tanu aw, tu in pasal nei na hi ta a, a sawt loin nang zong NU nong suak pah ta ding hi.

Innsung nasep tuamtuam leh an huan ding dan, pasalte zahtak ding dan, a kisap hun ciangin na hehna gen khiat ding dan kong hilhnate hong theihpih dingin Pasian pen i kal ah i teci ahi hi. Kong hilhna bangin na gamtat nuam kei leh nang zong kei bangin a khangham "NU'' na hi ta hi. 

Tu in nang pen tanu cin kong ciamteh nawn kei a, NUPI khat hi cin kong ciamteh ta hi. 

Ka tanu aw, en in hih na pasal hilo hiam? Amah pen a cingkam mahmah mi hi ahi hi. Ahih hangin a cingkam mi hi cin hamphatna la in pheng om kei in. 

Ka tanu aw, na pasal heh theihna dingin a sunga humpi kual na phawn khak lohna ding kidawm mahmah in. 

Ka tanu aw, ka tal a meima pawn na mu hiam? Na pa' ong ciamtehna ahi hi. Pheng pau in, ka ut bangbangin ka gamtat hangin kam khat bek zong hong tai ngei lo hi. Ahih hangin ni khat a nasepna panin lungnuam mel loin hong ciah a, kam kilawm lo tawh ka hopih khak manin a tup loh pi in khat vei bek hong tupna pawn ahi hi. 

Ka tanu aw, pasalte ten "Hih zo/thei kei ni teh" cih kammal pen khum sa lo uh hi. Na lametna sangin a thupi zaw hih theihna ding lungsim nei uh a, siatna panin nang hong kem ding hi.

Ka tanu aw, kitelkhialhna leh kitotna a piang khak ciangin tui dawn kisin in. Tui na kam sungah om leh pau khia thei lo ding na hih manin pheng pau khiat ding panin hong dal ding hi.

Tu in innkuan nih a nei na suak ta a, na kampha mahmah hi. I inn sunga na hih bangin thuak zawhna leh mi theihsiamna cihte len kip in. Mi dangte tate muak ding dan kisin le teh naupang ten na sabuai itna tawh tawh ong dim ding uh hi. 

Hua baang a beel lian kikhai na mu hiam? Ta ka neihma-in naupang nek ding nei lote an ding ka huansakna beel ahi hi. Lengla muak den in la, piak ding na neih kei leh zong tuisik hai khat beek pia in. Deidantuam leh khen tuam kuamah nei kei in. Na lutna innsung a kikhenkhamsak suak kei in la, a kitawngte a gawmkhawm in pan den zaw in. 

Mi dangte zawngkhalna, thanemna leh nesep neu nonote pahtak dan kisin le teh amau zong thangah in a tangzai zaw na hong sem khia zo ding uh hi. 

Tuni in mopawi puan na sih hi. Ahih hangin na silh beh lai ding a kisam khat om lai hi. Tua pen PICINNA puan ahi hi. Ken zong tua ka na silh a, nang zong na silh ding ahi hi. 

Kitheihsiam lohna hangin na kitot khak ciang un na nung lamah hong ciahkik kei in la, na innsung mah ah bawl hoih ding hanciam in la, innsung nuam a nuntak theih ding hanciam in bawl ding hahkat in nei pen in. 

Ken zong innsung nuam khat ka bawl khin zo a, na pan zong nuamsa in lungkim mahmah ahih manin lunggulh dang nei tuan lo hi. 

Pasal ten an duh uh hi. Sabuai tunga an kilui leh lupna tunga an kilui lunggulh khawm uh hi. A kisap hun uh ciangin pia khial ngei kei in la, kitotna hang peuh paulam in ngawlsak kha ngei kei in.

Kong hilhnate a kicin zo kei leh tampi sin beh lai in!

Thang Khan Lian

Ameri-Zomi T’a ding Muhna, Sawlna le Ngeina Thak

Ameri-Zomi T’a ding Muhna, Sawlna le 

Ngeina Thak

New Vision, New Mission & New Culture for Ameri-Zomi

Thu Konghong

Tuhun Zomi diaspora hun sung America gamah mimal le innkuan tampen ih tung khin zo hi. 99% sang atamzaw pen gambel refugee status tawh a tung ci le’ng kikhial lo ding hi. Ih vek in asylum seeker vive ih hi hi. Tu ciang in Zomi t’a ding refugee hun khat hong beita ahi leuleu hi: Malay le mundang pan gam-thum-na third country tung ding pen UNHCR te hong laksa accepted teng bekmah hong hi lai ding a, a dang denied le delayed pawl ading pen lamet om nawn khol lo cih thu om ahi hi.

Tua hi a, America tung khinsa Ameri-Zomi t’a ding kalsuanna thak khat kipat ding kisam ta ahi hi. Banghang in Zomi-te mimbang pianna tunnu Zogam nusia in leitung mun tuamtuam ah kithehthang ih hi ta’m? Ih tunna gam-ah bangci/koici kalsuan ding ih kisam ta’m? Kalsuanna thak tawh ih kalsuan nading bang teng ih kisam pen ta’m? Hihbang dotna te dungzui in ngaihsutna tawh dawnna ih neih theih nading sangmang muhna missiological perspective lam pan ih ki kum ding hi.Muhna thak new vision, sawlna thak new mission, le ngeina thak new culture ci-in thu thum ih gen ding hi.

I.              Muhna Thak [New Vision]



i)              Muhna vision ih cih in bang hiam?

Leitungah muhna vision tuamtuam nam tampitak om hi. Muhna vision kician sinsen om lo-in mikhat, innkuan khat, company khat, gam khat, etc. lawhcingtak in kalsuan zo lo ding ahi hi. Muhna vision omlohna mun ah mi-te nuntakna kisia hi, ci hi [Proverb 29:18]. Tua ahihman in tuni-in mailam kalsuanna ding muhna thak ih kisam hi. Tua lo tawh ih kisia ding hi. Kisia cih ciang in, ngimna tupna mel nei lo a,  tuah bangbang nuntakna gen nuam ahi hi. Gam-thum-na tung khin t’a ding in muhna vision lui-te kizangh thei nawn lo a, muhna thak ih kisam hi. Tua ahih le muhna ih cih in bang ahi hiam? What is vision?

Muhna ih cih ciang in ei aituam muhna hi lo-in, TOPA Pasian kiang pan hong pai muhna vision kisapna gen nuam ih hi hi. Mawsi [Moses] vision muhna ih en ding hi. Moses in a neu tung in a nu’ gengen zel muhkholhna vision khat hong nei hi. A mi-te saltanna pan honkhia ding cih muhna ahi hi. Kum 40 sung Pharaoh kumpi pa tanu’ tapa hihna tawh hong khankhiat khit ciang, a ma’ neihtawm muhna vision tawh a mi-te honkhia ding hong kithawi leh lawhcing lo, lawhsam in gampalak ah hong taikhia ta hi [Exodus 2:].

ii)        Moses Vision Muhna

Gampalak ah kum 40 sung tu-le-kel cingin hong om khit ciang nikhat sawlbawk meikuang sungpan TOPA’ hopihna le sawlna mission hong ngah hi. Gampalak a sawlbawk meikuang pen alamdang hi lo zaw in, sawlbawk meikuang napi’n  kangtum lo-in kuang niloh pen a lamdang muhna vision ahi zaw hi [Exodus 3: ]. Tua muhna pan in Moses in TOPA tawh hong kiho thei ta ahi hi. Na min hong gen dih ve, a cih leh ka min theih kul kei, KEIMAH hi’ng cih san hi. Keimah na cih mawk pen a kua na hi hiam?, a cih leh KEIMAH kacihte KEIMAH, cihsan sawnsawn hiau hi. Tua KEIMAH min mah tawh a mi-te honkhia zo in, Moses hong lawhcing thei ahi hi.

Tua pan Sinai Mualzang dung hong tuntak ciang in, TOPA in thukham nam 10 le a dang thukhun tampitak pia hi. A mi-te [minampi khat, gam khat] pen theocracy ki-ukna tawh kalsuanpih ding thu ahi hi. Theocratic movement ahi TOPA’ deihna bek bulphuhna tawh minambup ki-uk kalsuanna ding constitution thukhunpi bawlsak in Moses kiang ah ap ahi hi. TOPA’ deihna bulphuh policy tawh mipi kalsuanna hi a, tulai leitungbup ii deihpen ahi, mipi’ deihna bulphuh democracy ki-makaihna hi lo hi. Tulaitak America gam thukhunpi constitution pen TOPA’ deihna tawh a kituak lai mah hiam? Tuma kum 200 val lai-in “Pasian ih muang hi” “In God We Trust” dinmun tawh gam thukhunpi a bawl uh pen a hoih zawding ngaihsutna le mipi’ deihna tawh hong puah toto uh tak ciang tuni in “Pasian muan kul kei” cih dinmun phial ah hong tunta uh ahi hi.

iii)      Muhna Thak Kisam

Moses in kalsuanna movement thak tawh amipihte kalsuanpih ding pen kimuang lo ahihman in TOPA kiang-ah vision muhna thak sinsen khat ngen ngeungau ta ahi hi. TOPA aw, hong thum ing, na vangliatna hong lak tapeuh phot dih in, na ci hi. A sawlpa, a topa maitang lim-le-mel ngiat mahmah munuam ahi hi. Tua mun-ah Moses in TOPA’ nunglam mukha hi, ci hi [Exodus 33: 18f].  Cihnopna ah muhna thak new vision khat ngah ahi hi. Tua muhna thak tawh a minabup kum 40 sung TOPA’ deihna bangin theocratic movement tawh lawhcing takin makaih zo ahi hi. Moses ii thupitna pen a mipih-te Canaan gam a lutpih/lutpihloh tawh kisai lo hi. Kum 40 sung vision thak khat tawh TOPA’ mission sawlna sungah a minambup gualzotak le lawhcingtak-in kalsuan pih thei ahi hi. Moses in a khansung in a sawlpa’ thupiakna le deihna bangin lawhcing takin kalsuan thei suak ahi hi. Tuni in na khantawn kalsuanna ding vision thak na nei khin hiam?

Tuni in gam-thum-na tungsa a kuamah peuh in vision muhna thak tawh kalsuan kisam ahi hi. Tua lo-in ih mission lawhcin’ ding zah ki lawhcing zo lo ding ahi hi. Nidang a vision lui puahpha ding, vision khanto ding cih hi lo-in, Pasian kiang pan muhna vision thak sinsen khat kisam ih hihna thu hahgen nuam ih hi hi. Tua vision muhna thak tawh mission sawlna thak khat kalsuan ding kisam ahi hi. Tua ahih le tuni-in eipawl ih mission bang ahi hiam?

II.            Sawlna Thak [New Mission]



      i)         Sawlna mission ih cih in bang hiam?

What is mission?, cih dotna a ding dawnna tuamtuam om ding a, a-khiat-na definition khat bek om thei tuan lo ahi hi. Tuhun ciangin vai khat peuhpeuh, tupna sawmna peuhpeuh mission kici hi. Kumpi, company, kipawlna, etc. te in mission khat ciat nei uh a, a kimuthei ding in lahkhiatna mission statement ci in lim le lai tawh kician sinsen in lakkhia uh hi. Tuni in ei pawl bang mission statement ih nei hiam? Leitung mun tuamtuam gam-thum-na ih tun pen kua in hong sawl a, bang vaipuak nei ih hi ta’m?

Mi tampitak te in America a tunna pen bang hih ding cih tupna ngimna om tuan lo-in nuntakna a nuamzaw deuh ding cih ‘seeking a better life’ ciangciang ngaihsutna nei uh ahihman-un mission kician sungah kalsuan zo lo uh cih thu kimu thei ahi hi. Tuni in Ameri-Zomi-te in muhna vision thak tawh sawlna mission thak sungah ih kalsuan ding kisam ahihlam ih phawk ding ih deihna bulpi ahi hi. Na mission bang ahi hiam? Tuni in mission kician khat na neih ding, na bawlphat ding kisam ahi hi. Mission kician sinsen na nei khin hiam? You make your own mission: na mission pen nang mah’n na bawltawm kisam ding ahi hi. Bang mission na neih sawm hiam?

ii)        Kua in mission sawlna hong pia hiam?

Tuhun ciang in leitungbup ah minam tuamtuamte ki thehthang in om kawikawi ta uh hi. Ei Zomi-te zongh a nunung pen lamciang migam milei ih tung ngeingai hi. Hih thu pen sangmang muhna missiological perspective pan ih et tak ciangin, minam tuamtuam a bawl TOPA Pasian in a bawlsa minam tuamtuam-te a bawlsa leitungbup ah kizel ding a, a mah’ min phat ding le upna kip tawh bia ding in hong sawl khia hi, cih thu kimu thei ahi hi. Tanglai in Pupi Abraham mimbang a pianna vangkhua Ur khuapi le a tenna Mesopotamia gam pan in paikhia sak a, a muhngei nai-loh gam-le-lei ah gamdang, midang, leidang, ngeinadang, paudang, etc. minamte lakah a pem sak PA in tuni leitung minam tuamtuam-te le ei Zomi-te zongh leitung mun tuamtuam ah hong pem sak ahi hi. Abraham pen Canaan gam-ah Pasian man le biakna man lak ding sangmang missionary in a paisak pa in ei zongh migam milei-ah missionary in hong paisak ahi hi. Tua ahihman in tuni Zomi a kuamah peuh in ih tuntunna mun-ah cihtakna le thumanna tawh Pasian biakpiakna ih neih ding le nuntakna hoih tawh ih nuntak khuasak ding thupi mahmah ahi hi. Ut peuh in phengtat, gamtat dingin TOPA in migam milei ah hong paisak hi lo hi.

iii)      Mission sawlna le Abraham Thuciam

TOPA in Abraham tungah a piak thuciam Abrahamic Covenant pen thu-um mi khempeuh in ih pomkim ding kisam ahi hi. TOPA in Abraham kiang-ah thuciam piakna en le’ng anuai a bang in nam li kimu thei hi [Genesis 12:2]:

1.     Minam lian in k’ong bawl ding hi: I will make thee a great nation.

2.     Thupha k’ong pia ding hi: I will bless thee.

3.     Na min k’ong lian sak ding hi: I will make thy name great.

4.     Thupha khat na suak ding hi: and thou shalt be a blessing.

TOPA in Abraham kiangah a piak thuciam pen tawntung thuciamna everlasting covenant hi a, a hun zui-in kikhel themthum ngeilo thuciam unconditional covenant ahi hi. Tua hi a, tuni-in Abrahamic covenant thuciam pen a pom thei mi khempeuh t’a ding in huamkim pah ahi hi. Tuni in Zomi-te leitung mun tuamtuam ah minam lian suak ding-in TOPA’n hong puak ahi hi. Nang ut thu tawh a tung na  kisak khak le na khial ding hi. UNHCR te thusiamna le American kumpi hehpihna peuh tawh a tung kisa kha kei in. UNHCR te’n leitungbup gam kipawlna thukhun constitutions le thukimna agreement om khinsa bang in nasem hi lel a, US kumpi in zongh America gam khantohna ding a mau’ sepnoploh nasepham hard & dirty work teng thaman niampen tawh cheap laborer ding in hong lak uh ih hi lel ngel hi. Sila dinmun sang tawm khat a sangzaw deuh khat in a niampen dinmun tawh gam hong belsak ahihlam phawk ciat in, kiniamkhiatna tawh gammi hoih suahsawm ni. Ahi zong in American minam suahsawm kei ni. American citizen Zomi hoih suahsawm bek ni in, Americanized Zomi le American Zomi suahsawm kei ni.

iv)       Na mission limtak theitel in!

A masapen in na mission bang hiam, cih telsawm masa in. Nasem ding a tung nahi hi. Mi’ sepnoploh teng sem ding a gam hong ki bel sak ahi hi. Tua hi a, nasep ih tuah peuhpeuh thalawp takin ih sep ding ih ki hanthawn ahi hi. Tua nasem ding mah in TOPA in hong puak ahi hi. Na nasep tungah cihtakna le thumanna tawh sem tinten lecin na boss te’n hong muang ding a, na nuntakna hong kilam sang ding ahi hi. Mi pawlkhat te’n nasep nuamsa lo ahih kei leh thaman tam sa lo ahihman in nasep laih themthum denkei mawk uh a, koimah ah ki hired thei ngiat lo khawng zong ki om ahi hi. Na tuak peuh deihphatak in sepding ngaihsun masa in. Tua semding mah in TOPA in hong puak ahihlam ngaihsun in la, cihtak sawm in. Hong sawlpa in a thuciam om bang in thupha hong pia ding ahi hi. Na nasepna ah siam sawm in. Zomi-te in nasep siam sawm lo-in, thaman bek kideih ahi hi. Tua dinmun pan ih suahtak ding kisam ahi hi. Nasep siam sawm ngiat in. Tua hi le, na dinmun position hong kilam to ding a, na za hong khang ding hi. Topa’ lapsangna promotion na ngah ding hi. Thupha ih cih pen thaman dollar tampi ngahna zongh hi pahpah tuan lo hi. Hi lai mun ah TOPA in Abraham kiangah a gen, a thuciam thupha pen bang ahi ding hiam?

v)        Thupha ih cih in bang ahi hiam? What is blessing?

Thupha blessing cih pen a kimu thei lo thu invisible thing ahi hi. Muhtheih-te thupha hi tuan lo hi. Ei Zomi-te’n muhtheihna-te vive thupha ih sakha tawntung hi. Sum-le-pai, neih-le-lam, etc. te thupha blessing ih sakha tawntung a, kikhial mahmah ahi hi. TOPA in Abraham kiangah thupha blessing thu a genpih lai-in leitung mit tawh kimu thei lo invisible thu gen nuam ahi hi. TOPA pen kimu thei lo ahihmah bangin a thupha zong kimu thei lo hi. Mitmuhtheih ahi sum-le-pai, inn-le-lo, etc. te pen financial, material, etc. hi a, thupha le thusia a piangsak thei vive ahi hi. Blessing cih ciang in thusia kihel lo, kisawh lo ding hi. Tuni in migam-milei-ah na thalawh dollar sum, na leisa inn le motor car te pen TOPA’ blessing sung pan ahih le bek thupha suak ding a, blessing a om kei leh thusia zongh suak thei ahi hi. Na sung pan a piang tanu-tapa zong blessing om kei leh thupha hi tuan lo a, thusia bawl ding peuh zongh hi thei hi. Thupha blessing cih pen mit a muhtheihloh ahi hi. American minam-te pen nidang in TOPA in thupha blessing pia ahihman in khangto uh a, zongh hau thei mahmah uh hi. Tuhun ciang in mi a tamzaw in tua leitung sum-le-pai neihsa te thupi sak lua ta uh a, materialism upna sungah thuklut khin ta uh ahi hi. Pasian kisam sanawn lo uh a, kiamsuk lam manawh kik nuam ta ahi hi. Nidang lai a “In God We Trust” gam pen tuni-in In God We Do Not Trust gam suak pianpian bektham lo-in, suak khin ta ahi hi.

Abraham pen Canaan gam a tuncil hun in bawngnawi le khuazu luang cih thadah nektawm ding an nangawn om lo-in Egypt gam-ah refugee gambel in va om phot ahi hi. TOPA in tua thupi sa ahihman in leitung ah mihing in hong pai takciang a mipa pemna Egypt gam mah ah gal vatai a refugee in gam vabel phot se hi. Tua TOPA in refugee Pasian ahi hi. Tua hi a, tuni refugee tungtawn in a gam a kek nuam Pasian in eipawl migam-milei ah hong puak ahi hi. Minam lian in k’ong bawl ding hi, ci hi. Ei Zomi-te migam ah a mangthang ding peuh in a tung ih hi kei hi. Tua hi a, minamdang tawh kisawh loding hong thupi mahmah ding hi. Tu laitak in gam-thum-na tung khinsa Zomi nu-le-pa te’n minamdang mo-le-mak bangzah ih nei khin ta hiam? Mimal le innkuan bangzah migam ah ih mangthang khin zo hiam?

Pupi Abraham in migam-ah a-tu-a-ta, a suan-le-khak mangthang sak lo ban-ah pung in khang sak lai ahi hi. Tu ni in simleitung bup ah Abraham suan-le-pal pen minam lian khat in kuama suksiat zawhloh in ding tang zo uh hi.  Tua in banghang hiam cih leh, Canaan gammi-te tawh kisawh khalo ahihman ahi hi. Abraham pen Canaan gamah Hebrew kici [Canaanite te’ zahkona gungalte cihna khawng hih tuak…] minam lian khat piangsak ding a kisawl hi a, Canaanite vasuak ding a kisawl hi lo hi. Canaan gammi va suak ahita zong in, Canaan minam Canaanite va suak lo hi. Canaanite a vasuak pen Lot te innkuan ahi hi. Sodom khuapi ah nuamtak in va teng uh a, ulian bang vasuak phial lai hi. Sodom mi-te ngeina culture teng vazui in vacing kha uh hi. Tuni in Zomi bangzah American minam ih suak khin ta hiam? Pasian in U.S.A. gam ah American minam suak ding le Americanized ding in hong paisak hi lo hi.

Abraham in a minam limtak kepsiam ahihman in minam lian suak a, a mah min mahmah zongh lian in thang hi. Tua khit ciang bek in minam tuamtuam t’a ding in thupha blessing khat hong suak pan ahi hi. Tuni in America gam ah mihau, milian zongh suak thei khamah ni h’ang. Ahizong in na mipih, khuapih, u-le-nau t’a ding in thupha khat na hih ding thupi bek hi. Tua lo-in na hauhna, liatna te in mi a ding in a mawkna hi lel hi. Joseph in Egypt gamah Pharaoh kumpi a vasuah phial hang in a-u-a-nau, nu-le-pa le minam a ding in kimanna nei kei leh a mawkna linlian hi lel hi. Joseph ii thupitna pen kumpiza a neihna hi lo zaw a, u-le-nau ading kimantheihna a neih man hi zaw hi. Tuni in mi a ding blessing thupha khat ih hi zo ding hiam? Hong sawlkhia TOPA in tua ding a hong lamen ahi hi. Joseph in Egypt citizen gammi vasuak a Egyptian zi vanei ahih hang in Egyptian mi vasuak dek lo hi. A zi-le-ta Hebrew minam suahpih a, a mah’ sung pan piang tapa nih tungtawn in Manasseh le Ephraim ci-in Hebrew minam sungah nam lian nih piang sak hi. Lot in a tanu te nih tawh ki nupa uh a, minam ginalo nam nih [Ammonite le Moabite] piang sak hi. Tuni dong in Abraham suan Israel minam-te’ gal cipha suak uh hi. Tuni in eipawl in ei sung pan a koici minam ih piansak sawm hiam? Lot te innkuan in Sodomite te ngeina ngaihsutna culture vazui khin uh ahi hi. Tuni in bang ngeina culture na nei hiam? Tuni in bang ngeina tawh na kalsuan hiam?

III.         Ngeina Thak [New Culture]

       i)        Ngeina culture ih cih in bang ahi hiam?

What is Culture?, cih dotna ah dawnna tuamtuam om thei a, ei mah’ ngeina culture ding pen ei mah’n ih bawl tawm ding ahi ta hi. Tuhun ciang in mi-te in culture tuamtuam bawltawm ta uh hi. Tua hi a tuni-in na ngeina culture pen nang bawltawm ngiat ahi ta hi. You make your own culture. Culture ngeina cih ciang-in ih ngaihsutna gen nuam ih hi hi. Ngeina kizuihna cultural assimilation pen manlang mahmah hi. America gam pen cultural melting pot kici a, minam tampitak te’ ngeina ngaihsutna lungsimpuakzia te kigawmtuahna gam ahi hi. Tua hi a, ei pawl zongh migam-milei ah mi ngeina ih zuih ding baih mahmah ahi hi. Tuni in na ngeina culture ding na bawltawm khin zo hiam? Ahihkei le mi’ ngeina culture le lifestyle te na zui/cing khin zo zaw hiam?

ii)        Ngeina Zuihna/ Bawlna

Abraham in Canaanite [Canaan gammi] te’ ngeina na zui ngei lo-in a-tu-a-ta in zongh zui sak lo-in kikep siam ahihman bek-in minam lian khat-in leitung bei dong hong ding khia zo suak ahi hi. Tua hi lo-in Canaanite ngeina na zui uh hen la hi le, tu ni-in leitung-ah Hebrew minam le ngeina om zo lo dinga, Abraham’ Pasian cih zongh om zo lo ding ahi hi. Lot te innkuan in Sodomite [Sodom khuami] te’ ngeina cing-in zui pah uh hi. A tanu nungak nih-te khuapih pasal-le-tangval ngongtat-te in deihbang a zat ding-in ap tazen hi. Gal taina giah phual ah a tanu te’n a pa tawh sexual relation hong nei khawm zen mawk uh hi. Hih bang gamtatna le ngaihsutna te pen Sodom le Gomorrah te ngeina culture hi a, a mau’ a ding lamdang nawn lo hi. Lot te innkuan in Sodom khuapi ngeina culture le lifestyle pen na zui kha khin uh ahihman-un a mau’ ngeina thak a tuam in hong bawl zo nawn lo-in, kisiatna tuak uh ahi hi[Genesis 19:].

ii)        U.S.A. Gam: Sodam le Gomorrah Khua Thak

Nidang in vantunggam malep ih cih dep U.S.A. America gam sung khuapi le khuaneu khempeuh pen tuni-in Sodom le Gomorrah khua official takin suakgai khin ta ahi hi. Gambup thukhen zum lianpen Supreme Court pan in same sex marriage phalna pia khin zo a, president pa in thukim pih mahmah laisop ahi hi. U.S. gam le kumpi siat-gen nuam/ gensia nuam ih hi kei hi. Ahi, ahibang in muhna positive view tawh thu gen nuam ih hizaw hi. Zomi-te’n ei deihna tawh kituak teng le ahoih lam teng bek positive ih ci nuam a, ei diehna tawh kituak lo khempeuh negative ih ci nuam pahpah mawk hi. Pasian in hoih asak te hoih nasak tak ciang le Pasian in sia a sak te sia nasak theih tak ciang bek in positive na hi pan hi. Pasian in sia a sak khat nang hoih nasak teitei le nang pen Pasian’ mai-ah negative nahi hi.

American khangno tampitak te’n nungak-le-tangval kingaih, kiten ding, nupa hoih suah ding le innkuan hoih tawh nuntak khuasak ding cih thu pen culture ngeina le khuasakzia lifestyle in neinawn lo uh ahi hi. Same sex marriage thu hong pianna pen numei-le-pasal kiten kul sak nawnlohna pan hong piang khia ngeina culture ahi hi. Tua hi a, tuni-in na ngeina bang ahi hiam? Ngeina thak khat na bawl tawm ding kisam ta ahi hi. Na ngeina in weekdays ni nga sung nasem ding, Friday nitak le weekend teng ah deihbang in gamta ding cih American lifestyle nung mah na zui ding hiam? America gam ah na naturalized khin zo ta hiam? Casino le bar te ah nuam nasa thei ta hiam? Nipi ni in biakinn pai kul se lo-in na om thei ta hiam? Ahih kei le Pasian mah biak tangtang ding kisam hi na ci hiam? Nang le na innkuan in bang ngeina na zangh/ zatsawm hiam? Abraham bang-in a sawlpa mission sungah culture ngeina hoih tawh na kalsuan sawm hiam? Ahih kei le Lot bang in mi culture tawh kisawh bawl lel ding na ngaihsun hiam? Na tenna khua pen Sodom le Gomorrah khua ahihlam phawk in!

iii)      Ngeina Thak Bawl In!

Abraham in a tunna Canaan gam-ah Canaan kampau zongh a siam kul mah hi. Ahizong in a mah’ kampau tawh a Pasian TOPA [YHWH] na bia hi. Canaanite te’n a zahkona un Hebrew pa na ci uh hi: gungal pa cihnopna hih tuak hi. Canaanite mi te’n Abraham cihtakna, biakpiakna, kampau le minam kepcingna, ngeina tuam neihna, etc. a muh tak ciang-un zakta uh a, minam thupi khat in ngaihsun uh ahi hi. Kua mah in simmawh ngam nawn lo uh hi. A mah’ suan-le-pal-te Hebrew minam kici minam lian khat in leitung bei dong a ding zo ding hong kipan khia ahi hi. Tua tungtawn in Abraham’ Pasian ii hoihna, vangliatna, etc. hong kilangh toto ahi hi. YHWH TOPA in zongh Abraham’ Pasian a hihna angtang mahmah ahi hi. Tuni in Zomi-te’ Pasian minthanna ding Zomi-te’n ngeina thak tawh migam-milei ah minamdang-te lak-ah ih kalsuan ding kisam ahi hi. Ngeina culture thak khat na bawl khin hiam?å

Tuni in ngeina culture hoih khat bawlpha in a kalsuan thei ciat ding’n TOPA Pasian in thupha hong pia ta hen!

Itna tawh,

Dr. Suanpi

Zomi PILOT OFFICER October 14@Zangkong

PILOT OFFICER October 14@Zangkong

Tonzang khua mi Pu Go Khaw Pau tapa Tg. Dal Sian Bul (Bubul) pen tu laitakin Myanmar Airline International (MA) ah Eginner Officer tavuan len hi. Hih bangin Zomi khangnote in Pasian  thupha hong ngah uh ciangin i minam lamsang hi. Src:Zo Aw Oct 17,2015

MRTV CAMPAIGN-Sia Khen

Kumpite vaihawm siamna tawh TV zangin  Party khempeuh TV panin a ngimna uh  tupna uh taangko minit 15 sung ta nei sak ciat  hi. Sum leh paai a kicing zaw deuhte in FM line  panin zong suaksak uh hi. 


 1990 kiteel lai in hih bang mahin vaihawm uh a, hun khat pen Ks. 500,000 kipia ciat hi. Tu tung aih leh Ks. 300,000 piak kul hi. Minam party tawh kiding ciat ahihna tawh kizui-in, minam pau leh lai a nei khempeuh in amau pau ciat mah zang uh a, aih hang a tam zaw in pau a neih uh hangin Kawlpau mah a zang veve uh hi. 

 Hih tawh kisai pen vote ngahna theihna dingin vaihawmna ahih manin, vote hong pia thei dingte tel ding a thupi pen ahi hi. 1990 kum in Kawlpau bek zat theih dingin geelna om khin ahih manin Kawlpau bek mah kizang pah hi. Tu tung aih leh tua bang hi nawn loin, suak tatakin kampau zang thei ding cih hong om hi. 


 Kiteelna ah a kihel ding party 91 om a, tuate khempeuh in MRTV panin gen kim uh hi. A 
phattuamna bang ciang tatak tung ding hiam? 
cih bel kithei kim lo hi. 1990 kumin ZNC cih 
tawh pan kila ahih manin Pu Cin Sian Thang in 
kician takin thu hong pan to ciatciat hi.


1. Chin cih pen ka minam min uh hi lo a, 
England hong ukcipna hun sungin hong vawh 
uh min ahi hi. Tua pen sila/sal cih ciamtehna 
ahih manin Chin tawh hong kilawh pen ka 
minam min man tak uh ZOMI cih tawh kheel 
ding.


2. Kumpi ding pen kiseh lo ding a, mipi sung 
panin mipi vote tang tawh hi ding hi.

3. Free Market hong pian theihna ding.

4. Pinglong thukimna bangin kalsuan theihna 
ding.

cihte Kawlpau tawh kician takin hong gen 
ciatciat ciangin gambup mipi in thupi kisa 
mahmah ciat hi.

 Tu tung zong MRTV panin gen loh 
phamawh ding aih ciangin ci-in ZCD in, 
“Kawlpau zang ding maw Zopau,” cih kikupna a 
om ciangin kei zong, “Na thugen uh vote khia 
dingte tel ding kisam hi. ZCD vote hong pia ding 
pen Zomi vive aih manin Zopau mah zang ni,” 
ci-in ka na kikup pih hi.

Zogam sungah party tuamtuam
in genna nei ciat uh a, NLD leh
USDP aih leh Kawlte innteekna
ahih manin Kawlpau mah tawh gen
pah ciatciat uh hi. Zogam sungah
minam min seel party Chin, Khumi
leh Zomi cih bek om hi. Chin Party
khempeuh in Kawlpau tawh gen uh
a, bang hang hiam cih leh Chin cih
in pau neilo hi. Khumi in aih leh
Kawlpau leh Khumi pau thuah in
genna nei uh hi. ZCD in Zopau
zangin gen hi. Minam seel in
politks i sep leh i pau leh i lai mah
zat ciatciat ding pen minam kician
hihna lah khiatna ahi hi.


 Tu tung pen ZCD panin Gen-Sec
Pu Gin Kam Lian in Zokam tawh
genna hong nei hi. Party 90 in a gen
ding kaikhawm kik mah leh, ZCD
in kaikhop kik kul nawn loin, Pu
Cin Sian Thang in 1990 kumin a
gente mah hong suut kik ciatciat hi.
Tua khit ciang hun a kiheina tawh
kizui-in gen dingin a kilawm pawl
khat tawh hong behlap sawnsawn
lai ahih manin, mipite kilungkim in
hong lungmuang sak mahmah hi.



 MRTV pan Zopau tawh News
Paper-te panin Kawllai tawh hong
suak zihziah hi. “Hih Zomite in
1990 in a gen uh policy mah len ai
mawk veh aw, party kician
mahmah leh minam kalsuanna
ding lampi kician mahmah a nei
party hi,” ci-in Kawlte tung panin
kamsiam kiza hi.

 “Pau, lai leh ngeina kician nei i
hihna tu tung MRTV campaign pan
in kitel mahmah ei,” *Phone pan hopihna*
 “ZCD in amau pau tawh TV
panin a gen uh pen thupi sa
mahmah ing,” *Sitni Kyaw Oo,*
 Zomite Topa in thupha hong pia
ta hen.


Src: ZO AW Oct 17,2015

Ka Angtan Luatman

Kei mimal in ka telkim hetloh hang tutung Yangon Ahlone International Port aa ongkhawl Viuviau M.V Logos Hope Kawlgam ongtun theihzia leh Kawlgam atamsung thu leh ka theih sunsun atangthu konggelh ding hi. Athei taktak kia hilo avaihawm pen Dr. Go Chin Zam, National Dorector, Operation Mobilisation hi aa, amah ka pahtawi na leh Pasian in azatna ka angtan pih mahmah na hi ci-in thei cian kim hetlo pi himah leng kisuanglah sim pipi in konggelh hi.

Athubul:
1970 kumin hih Logos Hope tembaw pipen Germany gam aa registration kibawl in, tua aa kipan GBA tung tawnin Laibu zuakna tembaw pi aa kizang ahi hi.

Hih Tembaw pipen asung ah mimal 400 valte in Volunteer in nasem uh aa, nupi papi asem om khate pen atate uh tawh ompah in, naupang 40 valbang zong asung ah omin sangzong kahpah uh hi. 1970 kum aa kipan hih Tembaw pi in gam 160 val phata aa, gam 40 valpan in volunteer omkhin in, mimal million 44 val in hih Tembaw pi sung veh kha ta hi.

Hih Tembawpi pen dawlgiat tak pha aa, mipi et theih na munpi Book Fair pen dawl 4 na hi ci-uh hi. Biakinn, Kitchen, Resort, Book Fair cih bangin mun nuam tuamtuam in khen uh aa, lim hoih nono ki mawlna tuamtuam zong koih uh hi.

Dawl lina:
Atamzaw mipi in aet namun pen Book Fair ahi hi. Hihteng pen mipi in nuamtak aa a et theih dingin aphal na mun uh leh Laibu zuakna munpi ah hi. Asung ih lut toh ciangin taklam pangah kikum suk pah aa, tuapan in Information Centre khat omin, aki zommah ah Tembawpi thu gen namun Video Hall khat na om pah hi. Tuapan in Book Fair in nazom pah aa, Book Fair pan in.....

Book Fair pan Exit ah ih paikhiat khitciang akawi akawmkawm in pai nakhat om aa khatvei thuleh ong kigen keileh thei zok hetlo ding Luke 15 sung aa Tapa Taimang thu alimtawh lak uh hi. Tua pan in limlah na tuamtuam neihna mun in nazom pah aa, tuateng mah ah Desert lim nono na kizuak in agei ah Pasian la siamtak in lasiam te in nasa uh aa lungsim ong khoih mahmah hi. Tuapan in ciah nadinglam zuan lehang Tembaw Captain lim na om in akim ah lai theih huai nono tampi na kisuang hi. Tuateng pan taklam ah kahto leng apua kitung aa innlam zuatna na hipah hi.

Hih Logos Hope Ship ii ngimna bulpi in Lungdamna thu tangko na hi aa, apaipai na gam ah lungdam na thu tangko na leh mipi ading phatuam nasep tampi zong agamgam ah sem kawikawi uh hi.

Adiak in Knowledge, Help and Hope cih thu bullet nei uh aa tua tungtawnin;

Knowledge- Pilna: hihpen adiak in alaibu zuak uh hipah hi. Laibu lak ahpen Leitung Nate thu, Gamthu, Siamna Tuamtuam thubu, Naupang pattah nading, Christian Laibu tuamtuam cihbang hipah hi. Hih tungtawn in mi tampi in phattuam na ngah ta uh cih na hi. Hih Tembaw sung ah laibu nam 5000 valbang akikoih hi aa laibu hoih bekbek ahi hi.

Help-Huhna: Hih tawh kisai-in gam tuamtuam ah akhawl khak uh ciangin huh huaite huh uh aa Volunteer nasep pen thupi lak ngiat uh hi. Adiak in National Disaster omna munte ah huhna pia in amau mahmah relief nasep semin kuan ngiat uh hi.

Hope-Lametna: Adiak in lamet na neilo mi cimawh tampi huhna pia uh aa, lamet na guan in Pasian thutawh pantah uh hi. Mi tampi in hih Logos Hope tung tawnin Kha damna ngahta hi ci-in nasem te ih teci pangngiat uh hi.

M.V Logos Hope Managing Director Mr. Ronald Lappin in agen na-ah Doulos cih mintawh 1998 le 2002 te in Kawlgam ongpha ngei khin aa, kum 14 dektak ciang October 2, 2015 9:00am in athum vei nadingin Yangon Ahlone International Port ah ongkhawl hi.

Hih bangin Kawlgam Yangon Beach ong khawl theih nadingin Operation Mobilisation Myanmar in tavuan la aa, National Director Dr. Go Chin Zam vaihawm natawh tuni 11/10/2015 ciang mimal 74724 in kien khin aa, tampi in ki-en lai ding hi. Hih bangin kawlgam mi hizah in aet theih nading in Sia Zambawi in gimpi tawlpi in Kumpi lamte na hopih aa tuate hangin mimal tampi in mittai in thuhoih lahoih kiza kha aa, phattuam na tampi ongtun hi. Minam Biakna ki deidan hetlo in mi khempeuh in ki en thei hi.

Pasian in ih siapa Dr. Go Chin Zam le aseppih teng khempeuh hong zatsak semsem ta hen ci-in ka thu kahial bawl hi. Tembawi pipen October 14, 2015 ciang 10:00am-6:00pm sungteng in kien thei gige ding hi.

Genkhialh aom te khempeuh Sia Zambawi, aseppih khempeuh leh asimkha khempeuh in ong maisak un. Mipi atheilo omkhak leh ci aa lungphat mawh man konggelh hi.

Lungdam
Paukhan Sing Tunglut

NA LAWMNGAIH AH PILVANG IN

VII. NA LAWMNGAIH AH PILVANG IN

Sol. 8:6 “Itna zong sihna zahin thahat a, ngaih na zong sihna zahin khauh hi. Itna, mei bangin kuang khia a, meikuang lian pen a suak hi”.

Itna Pasian in ama lim-le-mel sun a hong bawl na hih manin itna leh ngaihna cihte nang nuntakna ah zong a om ahi hi. Nungak khat na ngaih a, tangval khat na ngaih leh a lamdang hilo hi. Pasian in pasal khat guak a om ding hoihsa lo ahih manin ihmu sak a, a naakguh khat lakhia in numei a bawl hi (Gen.2:21-22). Tua a bawl numei pen pasalpa in a muh ciangin, ‗Hih in keima ci, keima sa ahi hi‘, ci-in amah it thei hi (Gen.2:23). Pasian in pasal-le-numei pen ki-it, kingai-in, kiteeng a, suan-le-khak a nei dingin hong deih hi. Tua Pasian geelna na tangtun‘ sak nadingin lawm na ngaihna ah na pilvang ding thupi mahmah hi.
Pasian in nang adingin geelsa a a koih hi a, tua Pasian hong geelsakna na ngaklah khak leh haksatna tampi na thuaklawh kha ding hi. Pasian zia ngakzo leteh nang adingin a hoih pen hong hi ding hi. Pasian hong sehsaksa tawh na kituah khak masiah na lungkim zo ngeilo ding hi. Pasian hong sehsaksa tawh na kimuh khak masiah lawm na ngai kha phial zongin na kikhenkhen lel ding hi. Tua ahih manin na lawmngaih tawh kikhen a, na kiteenkhak kei le zong ‗Pasian in kei adingin hong sehsak pen tawh kituak kha nai lo ka ve maw‟ ci-a na puak siam ding kisam hi.

Duke of Wellington
Eton sang panin laisin kipan a ahi zongin inn sung haksatna leh lai a siam melloh manin a sang nusia in mun dangah a pai hi. A nu‘n ‗Ka tapa bangmah suaklo ding hi; nungak, zu leh sum kitah in buai hi‘, ci-in a lungkhampih mahmah khat ahi hi. A ngaih mahmah a nungaknu a zi dingin a dawp leh, ―Bang tawh ka tanu uh vak ding na hiam?‟, ci-in a nu-le-pate'n na nolh uh hi. Tua panin heh lua ahih manin hong hanciam kik a, a laisin hong zomto hi. Galdo dan ding amah-le-amah-in hong kisin tawmin hong kalsuan leh leitung bupin a kihtak mahmah Nepoleon galphual ah a hing tangin man zo hi. Leitung bup galhangpa a hing mat zopa hong suak hi. A minthanna leitung ah bei nawnlo ding hi.
Hih mipa bangin na lawmngaih in hong khen khak leh zong hanciamna in nei zaw in.

‗Sing zong a pak khempeuh gah kim lo‘ cih paunak khat a om mahbangin ‗a kingai khempeuh zong kiteeng kim lo hi‟. Na lawmngaihna ah pilvang mahmah in. Mi pawlkhatte pen a lawmngaih in khen leh nasa lua-in a nuntak na a beilawh om thei hi. A diakin numeite a lawmngaih in khen leh na sa lua-in a nuntakna beilawh thei uh a, pasalte leuleu a lawmngaih in khen leh siatlawh ngiingei thei uh hi. ‗Lawmngaih khat nei ning ei‘ na cih leh na ngaih sawm pa/nu bangci dan mi hi-a, Zeisu gumpa leh Topa in a sang takpi hiam? bang dan lungsim ngaihsutnate nei ahi hiam? cih na tel sawm masak ding thupi hi. Tua hileh a nungsang ciang vai haksa lua tam nawnlo kha ding hi.

Lawm na ngaih ciangin kidop ding thu pawl khat:

Na lungsim khempeuh na pia kha phial zongin na pumpi khempeuh pia kei in! Na lungsim khempeuh zong pia khin pah kei in!
Ama tungah ngaihmuang lua pah kei in!
A piangthak takpi hiam cih thei in!
A tangthu (a pu, a pa tangthu) kan masa in!
Amah bek pasal/numei danin ngaihsun kei in!
Ama deihna bekbek zui kei in!

Na lawmngaih in hong khen khak leh:
o ‗Sian‘ gawm loh hi‘ ci thei in!
o Nasa lua-in kap kei in!
o ―Tangval/ nungak dang tam lua lai‖ cih san ziau in!
o Thungetsak in!

A kidophuai thu pawl khat:

Na lawmngaih hangin na nuntakna beilawh sawm
kei in!
Na lawmngaih hangin na nuntakna siatlawh kha kei in!
Amah ngai-in na vulvul hangin ama‘n hong phawk kha nawnlo ahih manin mangngilh sawm in!
Heh ngaihsut leh khasiat ngaihsut kha kei in!
Ama hangin na nuntak loh mahbangin ama hangin zong sih sawm kei in!
 Na kisiasak gawp a, na kithat phial zongin hong phawk kha nawn lo hi!

“…Banghangin nang kisiasak tawm ding na hi hiam?”. Eccl. 7:16b
“…Banghangin khansih laizang ding na hi hiam?” Eccl. 7:17b.

CNF Tung Ah Phulak Zia Ding

Zomi Tedim kampau tampi tak hong thahsak CNF tung ah ih khasiat tha suak in, ih thang paii mahmah tazong in bang cih taktak ding cih ih gen khia setset thei khol kei tek hi.

Tu in lampi hoih khat hong kihong ta hi !

Tukha 15 ni ciang in kawl kumpi leh mualtungmi thautawi pawl 8 te'n Gambup Kilemna (Nationwide Ceasefire Accord - NCA) bawlsawm ta uh hi. Tua lak ah CNF zong kihel hi.

NCA tawh bang kisai ?

NCA abawl ma un kawl kumpi in hih thautawite tawh kisai khempeuh khahkhiatna (Release) bawl ding uh hi.

Tua khahkhiatna ah Gilbem sung aa om te in suahtakna angah ding bek hilo in gamsung gampua aa om hih thautawite tawh kizopna hang aa etcikna angah khempeuh in zong suahtakna ngah tading uh hi.

Tua ahih manin tomgen leng lawm te'n suakta takin na hong sem thei tading uh hi.

Thu khat leuleu ah kawlgam thukhun (upadi/law) nuai hong tung tading uh ahih manin thukhun om bang in thu kibawl thei tading ahi hi.

Hih CNF te' hong bawlsiatna leh hong thahnate uh thu kibawl thei tading ahi hi.

Tua ahih man in Zomi leh Zogam it ing ci aa a awngawng te'n ih itna lahkhiat hun hong tungta ahi hi.

A gamtat siatna khempeuh uh akankhia ding leh akisam bang aa thu abawl ding Commission/Committee khat ih kisamh ta hi.

1992 kum lai aa kawl siamsin galkap sung ah "Kumpi' Thukan" cih upmawh thu tawh kithahna nasiatak in om ngei aa tu'n tua athat te thu kibawlta hi.

Tua athat lak ah aminthang mahmah khat ahi Than Chaung tawh Thayarwaddy gilbem sung ah ka omkhawm kha ngei uh aa ahi takpi mah hiam ci'n ka dot leh "A hi mah hi e. Ei' sung ah amau' mi om: amau' sung ah zong ei' mi om, angeina hi lel" hong cihsan hi. Amah bel tudong khah nailo uh hi.

Bang cih ding ?

Kiukhat Pan
Mung Laan Thang/Thangboi
Rangoon

ZOMI BAPTIST CONVENTION HONG PIANDAN (ENGLISH)

Adoption of the Name Zomi Baptist Convention

There had never been any formally constituted organization of the Christian churches in the Chin Hills. When I returned from the U.S.A. arriving at Rangoon on 18th September, 1950, I was invited to speak at the Annual Meeting of the American Baptist Missionary Fellowship in October. In my speech I attempted to express what I thought to be most essential for the growth of Christianity among our people. I explained that the Chin Hills had been the most neglected and the least developed area in Burma. To remedy this I made the following two proposals:

[1] In order to strengthen the Christian churches, the village churches should be formed into properly constituted local associations and there should be overall organization embracing all the organizations.

[2] A well-experienced missionary should come and make a survey of all the Chin-Hills and give us advice on various projects of development.

The Missionary Fellowship approved both proposals. Accordingly, Mission Secretary E. E. Sowards visited the Chin Hills during February and March 1952. By the time both the Tedim and Hakha Missionaries had left on furlough. So I myself had to accompany him throughout his survey tour. At the conclusion of his survey tour he advised me as follows:

[A] He said the government in recent months changed its policy on mission work in Burma. Under this new policy our days of missionaries in Burma were numbered. And we might be asked to leave the country any day. What you proposed in October 1950 must be proceeded forthwith. You just start forming properly constituted Christian bodies – local associations and an overall convention, as speedily as you could. This properly constituted Christian bodies must be ready to take overall missionary work whenever the missionaries had to leave.

[B] And when this convention was formed it should be purely national organization, bearing national name, and run by national personnel. No foreign missionaries should hold any official position and should not be a member of any committee, but should work in an advisory capacity only.

According to his advice, I began forming the Tedim, Falam and Haka Associations during 1952. Then in order to constitute an overall organization, I asked the three Associations to select ten leaders each from the three Associations to form a Constitution Drafting Committee.

This Constitution Drafting Committee met at Falam Baptist Church during the last week of October and the first week of November 1952. I acted as Chairman of the Constitution Drafting Committee.

[1] Having explained to the committee that we were forming a purely national organization, I proposed that the name of our organization should bear our own national name. Outsiders call us Chin, but we never call ourselves by that name. So I believe you all agree to reject Chin to be the name of our organization and all the members of the Committee agreed by acclamation.

[2] Then I proposed that we should take ZOMI as our name as this is our correct historical name. And we should call our organization ZOMI BAPTIST CONVENTION.

[3] A man sprang to his feet and rejected the name Zomi outright saying, “Saya, in Haka we apply this word Zo to the most backward and the most despicable people. So we do not want this name for our big Christian organization”.

[4] “In that case what name do you like?” I asked and he replied, “LAIMI”.

[5] Then I explained, “I proposed ZOMI because I believe it is the correct original historical name of our people, from the Naga Hills to the Bay of Bengal. To the north of Tedim, the Thadous and other tribes call themselves YO, in Falam, LAIZO. The Tedim people call themselves ZO, the Lushais MIZO, In Hakha, ZOTUNG, ZOPHEI, ZOKHUA. In Gangaw area ZO is pronounced as YAW, in Mindat, JO or CHO, and in Paletwa KHOMI. In Prome, Thayetmyo, Sandoway, and Bassein areas they call themselves A-SHO. So I am convinced that inspite of slight variations this ZO is our original historical national name”.

[6] After this explanation Rev. Sang Ling who was the most senior and revered pastor from Hakha stood up and said, “What Saya Hau Go has just said is correct. In our younger days we were told that we were born at YOTLANG. And ZO is our true original name. The word LAI is not our national name. LAI was first used by denizens of Hakha. It means our village people, our own local people, as distinct from outsiders. It is nor our national name”. Saying this, he wayed to Rev. Sang Fen who also was the second eldest and most respected pastor and asked, “What is your opinion on this, Saya?”

[7] The Saya Sang Fen stood up and briefly said, “I agreed, I believe ZO is our national name and I myself am the pastor of ZO-KHUA”.

[8] After the two most senior and revered pastors of the Hakha area rose and spoke in support of my proposal, not a single voice of dissent was heard and the name ZOMI BAPTIST CONVENTION was unanimously approved.

[9] What the Constitution Drafting Committee had approved at the Falam meeting was officially and universally adopted by the general meeting at Saikah, March 5-7, 1953.

The lone dissenting voice seemed to be a more idiosyncrasy or at best a limited local usage without any sound historical basis, because not a single member of the Constitution Drafting Committee voiced any support at Falam. The general meeting held on March 5-7,1953 at Saikah village in the now Thantlang township of Hakha area was attended by 3,000 Christians. of these about two hundred were from the Falam area and less than ten from the Tedim area, because Saikah was 7-9 days’ foot journey from Tedim area. Even there where by far the vast majority of delegates were from the Hakha area there was not a single voice of support from LAIMI, but the name ZOMI BAPTIST CONVENTION was born, named and based on the foundation of historical truth, confirmed by the General Meeting at Saikah with the most remarkable spirit of Christian harmony and unity never experienced before or since.

I was asked, out of necessity, to serve temporarily for one day as General Secretary, pending the arrival of the Rev. David Van Bik who was ear-marked to relieve me on arrival from the U.S.A. the following year.

Rev. ST Hau Go
Rangoon 1st December, 1988

New Lamka Khuapi pen Tedim Chin na cihte uh sat hizaw hi

ZRO/ZRA makaipi Sia Pau innhal a makai Nianglian, DK Mang leh a lawmte’n Sia Pau inn a halsak ni un, bang hangin hih mun ah Tedim Chinte hong teng laizang uh ahi hiam, ci-in a kiko ban-uah, Pu K Guite in akhoh leh zong sawnpai, Pastor te thu leh makaite zong ngai utlo(mangnuamlo) cih thu face book panin kasim khakteh hihci dan thukhat kigelh leh mailam ah hici bangin aki gamta nawnkei zawdeuh tammaw cih khat ka lungsim ah hongsuak ahih manin kuamah maitang entuam hetlo in Laibu a kasim khak thute leh thu taktak ka zakte mah bulphuh in tawm kong gelh nuam hi. Tuaci bang a, lungsim a neite leh a gamtate a ding in hih lai kagelh ahi hi.

Lamka Khuasat Pu Zen Hang Valte hi-a, a pa Pu Kam Thuam pen 1908 kum in Kansau Khua panin Tonglon ah a lawmte honpi khat tawh na lalto uh hi. Tualai tak in Manipur cih min leh State omnailo hi. Pu Zen Hang in 1931 kum in Lamka khua nasat a, “tu laitak a Zen Hang Lamka aki cih namun santak ah nateng hi. Tu laitak a New Lamka I cih leuleu pen tuahun laitak in Lamka leh Singkangphai tawh kikal gamang tulak khat hi-a, Kum 1957 in Pu Go Cin Khup Hatzaw in Churanchanput Govt. High School panin a pension zawhteh tuamunteng nalei a, innkhat lamin amah bek nateng hi. Tangkhat ki salua hiam, pasalpha ki salua hiam, hici bangin lakhat na phuak hi.

“Sakciang Lamka, khangciang Singkangphai, alai ah Ngalliam kei hing e,
A laitak ah sausuang kei hing e, tung khaimu bang khatang a tuang kei hing e,” na ci hi. Pu Go Cin Khup pen Zogam, Chin State sunga khua khat ahi, Kansau khua ah 1901 in nasuak hi. I thulu lam tawm kikum kik leng:

1. Tedim Chinte omkei leh Lamka khua omlo maithei dinga, Lamka khua Zomite khuapi suak khollo ding hi.

2. Tua hunlai tak in Pu Go Cin Khup in khua nasat kei leh bang hangin hih mun ah Tedim Chin te hong teng laizang uh ahi hiam, ci-in Sia Pau inn halkawm in naki ko thei uh diam?

3. Makaite bang zahta in mawh in khial in, a ginata kei zongun na putek sawnpaih ziau uh Pu. K Guite bangin ZRA/ZRO naphut hi keita leh 1997-1998 kumin Thahdo ten bang hong cih uh tam?
4. Pu K Guite aom lohteh na inn halsak uh Sia Pau in hong makaih kei leh kua in na sihcip mang loh nading un van le na hong puakding mi hong vansak tam?

5. Na Tedim Chin cihte uh omkei leh 1997-1998 kumin na sih loh nading uh van le na kua in hong puak tam?

6. Pu K Guite leh Sia Pau om kei leh Zomi Council nuai ah tribe hizah I ki gawmzo diam? Tuaci bang aki gawmzawh nading in Pu K Guite bang, nidang in nanak buailua kici zen hiven. I theihtek mah bangin unau Gangte te’n a paunak khat uah, “vantung gam ah Paite te leh Thokang aom leh Vantung gam zong nuam kenteh,” utkhang hong citel uh aive. Tedim Chin na cihte uh Zomi Council ah hong ki hello in ei aki Tedim Chin saklote bekh om hileng, Gangte, Vaiphei, Simte leh a dangdangte zong hong ki hel in ka gingta kei.

7. Sia Pau te innkuan bang ki Tedim Chin saklo luatel uha, a innkuan un Manipur a, Saptuamlam ki pawlkhopna ah Paite te tamna pen EBC Saptuam ah lut uh hi. A innkuan un zong Paite pau mah Sia Pau aki pan zangzaw uh abang. Sia Pau zi bang Delhi ah hong zinteh Paite te a tamzaw kikhopna EBC Dwarka mah ah pai tantan a, Tedim Chin te lak-ah hong dak manglo cih ding himai hi.

8. Lamka Khuapi sungah lampi lian penpen ahi, Tedim Road, Imphal ciang lungmuang tak-in thallup il-ial ahih manin Tedim Chin I cihte bel eipawl mawk paihzawh vualding in ka gingta kei.

9. Makai utluat man leh makaite tutna suannop man-a, thupiang khat peuh paulap kawm a, makaite siatnading I bawlbawllai leh huihpi hong nungin guahsia hong zukik leh koiteng I belding hiam, cih ngaihsut thamcing kasa. I ki khel kei le chuh pawlkhat Kuki ah, pawlkhat Mizo ah pawlkhat Meitei te khutnuai leh etc, I omvekding ngaihsut thamcing kasa.

10. Thuman bang a, sepngam, thuakngam pen pasal vai, Christian vai ahi. Hi leleng, dogal lai-ah Sakam kei bang, hangngam ngei’lo, minam khatsungah pau awsuah lungsim nei-a, aguk a ki khentuam suihsuih leh lamkaitu utman khawng a, sepna, thuakna bel mi dawilokte nasep ahi di. Hiautu pawlkhatte le’ midang tawh aom uhteh Zomi, Zomi kici napi, a guk-a, Paite I ka hia, I ci-uh tawh aki bang. Thahdo gallai in Paite ka hikei, Zomi ka hi na kici ua, Thahdo gal vengkhit, lungmuan pianteh Zomi cih bang koilak ah omthah di hia, Paite I hive leh khawng I kicih kik leh bel, Manipur ah Zomite leh nangmah na mangthang baih mahmah ding uh hi.

Lamka khua ah na Tedim Chin na cihte uh a tenna uh a hangin, amau satsa, amau gam le leitang ahih manin a tenguh ahi hi. Mailam ah nang zong lungmuang, khamuang, suakta tak-in na tennop leh a maute galbawl kenla, lawmbawl zaw in. Na sisan uh ki lamdanglo ding hi. Tuaci bang lungsim puakte paisan hun a hita. BC hun ahi.

Khaibawi

Source: “Kansau Baptist Church Centenary Magazine,” Guwahati: Genesis Printers, 2013;pp,14.,18 &114.