22.5.2014
Zi hoih, Nupi hoih
1964 kum January 17 ni in American Chicago khuapi ii leitaw lam aa mizawng veng ah Michelle suak hi. A inn uh ah lupna khan khatbek om hi. Ataktak in tua zong lupna khan hilo in lenglakhan pen puanza tawh akidei ziau ahihi. Michelle le a upa pen asil-ling(Ceiling) tungah lum uhi. Apa pen atunthei pahpah thagui natnei in 1990 kum in leitung nusia khin hi. Anu pen apa luang kivui khiatna tua innlui sung ah kum tampi om hi.
Zawnna in Michelle pen nasep hanciam nopna lungsim guan hi. Michelle pen aneulai asang kahna pan laipil khat ahihi. 1981 kum ciang in Princeton University ah Michelle kah kha in Sociology major le African- American History minor in sin hi. Kum 4 azawh ciangin Michelle pen mat (Mark) hoih tawh sang hong man in Harvard Law School ah sang hong zomthei hi. 1988 kum ciangin Harvard Law School pan Ph.D lukhuneelkai hong ngah hi.
1989 kum ciangin Barack Obama akici Harvard Law School sangnaupang khat pen Michelle ii omna thukhenzum ah khuakhal sangkhak sung thukhenna tawh kisai asinding in hong pai hi. Amah pen Michelle in vaipuakla in hilh hi. Tua thukhenzum ah mivom amaute gelbek ahihman in nasepna ah adeihdan uh kibangin angeina uh hong kibang hi. Obama pen nasep asiamlua ahiloh hangin nikhat anasep pihte in lamdang asak ding nakhat hong sem hi. Tua in Michelle kiang ah a itna thu agen ahihi.
Kum tampi hong sawt khit ciang in Obama in ama thuciaptehna laibu sung ah Michelle a itna tawh kisai in hibangin ciamteh hi. “Atawpna ah ken amah puksa zo” ci hi. 1992 kum October 18 ni in pumkhat suak uh hi.
American Newsletter sung ah agenna pan in “Michelle pen pasal aneih khit hang nitak nai 9:30 pm in lumden in zingsang nai 4:30 am in tho den hi” ci hi. Taina set tungah tawmvei atai khit ciang apuante puan ninlak ah alon apasal puante kaikhawm hi. Inn hahsiang hi. Tua ban ah zing-an ding vaihawm hi. Tau pan atanu te phong hi. Obama in atawntung in azi phat den hi. Michelle in nakhempeuh kisapna khatzong aomlo ding in kiging khol thei hi ci in Obama in gen hi. “Aman innkuan vaipuak pen siamtakin in semthei hi. Amah pen cikmah in ken bangzo kei ning” ci in Obama in gen ngei hi.
Obama innkangpi (White House) hong tunkhit ciang Michelle pen American minamte’ pahtak uh thu khat ahi nupi hoih le zi hoih khat ahihlam aman kilang sakzo hi. Mipawl khatin hipen ama nuntak dan hitakpi kei inteh ci uhi. Michelle in thu agen ciang zong apasal zah phial aa asiam lam kimu thei hi.
Ahihang thu agen sim in atanute thu le numei mawkmawk te thute bek gen hi. Apasal thu le a innkuan thu uh zong gen thei zelzel hi. Nang le nang hong kigen in ci in akinget ciangin “amasa in kong gennop in kei pen naupang nih ii nu hing” ci hi.
Atanu te tung ah sikan(discipline) khauh sak hi. Picnic pai, khualzin pai ciangin sangpan innlai akipiak loh hangin tuni bang teng mu cihte gelh hamtang ding, sani le nipini ahikei leh TV entheilo, Computer cihpen innlai bawl nading bek…”cih te aa kipan. American gammi pawlkhat in i tate uh Michelle khut sungah ap leng ci in ciamnuihna in gen thei uhi.
2012 kum kumpi kiteelna ah amasa pen thugen ding in thugenna tautung hong kahto in TV pan a en mitul tampi te tung ah “ Tu nitak in kong gennop thu tampi om hi. Ahihang in athupi pen in abeisa kum 20 lai in hih leitung ah akaampha pen pasal khat kasuak hi. Ahang in kei tawh kiten ding Michelle in hong sanna hang ahihi.”ci in gen hi.
Michelle in zong mipi tampi aneihna ahi a Twitter laimai tung ah “ Kum 20 cin lungdam kiteen ni hi … Barack. Nisim nisim in ka lawm hoih, le innkuan lutang hoih khatin nong ding ka lungdam. I love you” ci in gelh hi.
Khuahun tawh kituak asilh aten dan
Obama innkangpi (White House) hong tunkhit ciangin Michelle in American kumpipa zi tawh kisai ciaptehna nih hong piangsak zo hi.
Amah pen amasa pen Afarica minam kumpipa zi ahihi.
Amah pen atun asang pen kumpipa zi ahihi. Amah pen pi 5’11” sang hi.
2008 kum kiteelni nitak in Michelle pen aminthang designer khat ii khui asanvom puan hong silh in thugenna tau nuai aa mipite in lamdang sa mahmah uhi. Tua pan kipan Michelle in “Kumpipa zi in koi cidan puan tawh kilawm” cih zong athakin mipite phawk kik sak hi. Aman atang, avak lela cihdan melte deih hi. Asilh aten te ahileh design mawkmawk omlo in midang te aa tawh kilamdang diak in silh hi. Khat vei bang Obama tawh apawi simna uh ah bantawng puantual (ganwin)hong silh in ngeina tawh kituak kisa mahmah hi. England kumpi nu tawh akimuh lai in zong suaita vom angka khat silh hi.
Atam tawh kibanglo in alamdang deuh aa asilh Michelle ii silh le ten kizep kipuah dan in American minamte’ fashion ii dinmuh khat alak ahihi. 2009 kum Obama in laisiangtho tawh kiciamna aneihna pawi ah Michelle in akang puantual silh hi. Ataklam liangko ah apuan mong bangto in tua in mipite mit la mahmah hi. Obama in mipite mai ah “Amasa pen in ka zi ahoihna?” ci in dong ngei hi.
2012 kum September kha sungin Michelle gambup democratic khawmpi ah kah hi. Tua lai ah pakmel(Pink color) puantual silh in akhutban tawn ii ahoihna te lak khia hi. Akhutcin pen amuh hakkhia mahmah cinsanza te nuh hi. Tua nitak khawmpi aman ciang ama silh dan puantual le cinsanza te saikhempeuh ah bei kici hi.
“People” magazine in Michelle in kiteelna atunma in amah le amah kimuan nate lakkhia hi. Mitampi in lamdang asak zawh zah dong in hih thei hi. Amah ii etlawm kipuah dante in beisa hun lai aa aminthang kumpipa’zi, mite phawk kik sak hi” ci in gen hi. Hibang aa agenna pen Michelle ii kipuah dan pen nidang aa kumpipa zi ahi Jacqueline Kenedy tawh kibang acih nopna uh ahihi.
Neekledawnna le gualnopna te ah Michelle pen mitawh kibanglo hi. “Atunna munmun aa te ante thupisa hi” ci in Kumpi innkuan ii neekledawn tawh kisai aciamteh pawl ii online thuvanpi khat in gen hi. “Hi laimun ah ansai ah bang thupit koih pen uh cih dong in aman tua mah nepah lel hi” ci in gen hi.
Michelle pen cidamna tawh kisai ahahkat khat ahihi. Ama cidamna ahanciam dan pen tuni American numei tampi in ciing ngeingai khinta hi. Tai kisin, Yoga kimawl in tua ban ah atanu te geel tawh tennis zong kimawl hi. “Akhut khauh mahmah in forehand ahoih mahmah bang in backhand zong khauh mahmah hi” ci in amah ahilh siapa in gen hi. “Akiseek abang akhut ban satak tegeel” pen American thuthang kante’n “American ii thahatna alak lim hi” ci in genteh uhi.
Kumpipa zi hongsuah khit ciangin Michelle in innkangpi( White House)ii kongkhak hong hongkhia hi. Mipite tawh kimai ngapna nei in, acidam huai anneek tuidawn, acidam huai nuntakzia te kizelsak hi. Athanem mizawng te le naupang te ii bitna thupit bawl in kin bawl hi. Obama tawh kithuah in leitung mun tuamtuam ah zin koikoi in thudotna te adawn mahbangin amah gia zong zing koikoi in thudotna te dawnna nei hi. Michelle pen American tangthu sung ah amel hoihpen kumpipa’zi ahihloh hang amahpen angaih bang pen kumpipa’zi cileng anial ding kua mah omkei inteh ci in New York thuthang kizakna aa ten gen hi.
…
Gamvai aksi thak
Harvard University pan sang aman ciangin Michelle pen American gammi tampi in mipil khatin mu uhi. Ama ngaihsut dan pen siangtho hi. Thu agen ciangin ciamnuih tawh zong helin sianggen suk pahpah lel hi. Mipi te mai ah amah pen amah le amah kimuanna anei, ahangsan, thu akhinkhai thei mi ahihi. Alungsim akhauhpai hangin numei khat ngeina bangin zong thu nem hi. Hibang thuteng hangin amah pen gamvai lam ah atangpha aksi khat hong suak thei ding hi ci in ki lam-en hi.
American AP thuthang zumpi le Yahoo te in 2008 kum July kha sung aa abawl uh ahi mipi lunggulh kaihkhopna khat ah 30% in amah deih in 35% in deihlo hi ci hi. Tua khit kum 4 ciang in American AP in khatvei akaih khop kikna uh ah American gammi 64% in amah deihin 53% in Obama sang pahtakna ngahsak zaw hi. American Media tuamtuam te in hun khat ciang Michelle pen kumpi dinmun ngahzo ding in um uhi.
2008 kum Obama kumpi kiteelna ah kihel ding cih ataangko ma in Michelle pen nasepna ah asiam mahmah khat ahihi. Ama ii kumkhat sung akhasum gawm pen dollars 270,000 $ val ngaih in Obama khasum ii azahnih pha hi. Ahihang Obama kiteelna ah agualzawh nading in Michelle pen tua khasum hoih anasep khawlin apasal panpih hi. Innkhangpi (white House) atun uh ciangin zong Michelle in apasal ii athupi gamvai kikupnate ah zong kihelin thapia hi. Obama ii “nambat khat akikuppih nu” ahihi.
New York thukizanka innkangpi(White House) tawh kisai thuthangkan vaipuak nei khat ahi Jodi Kantor in Michelle ii thupitna te pen Obama tawh akizopna te pan zong kimu thei zaw kan hi ci hi. “Ama dan pen khauhpai hi. Amah pen akhauhpai numei khat hi ci in kangaihsun hi. Apil asiam mahmah inn nupi khat le zi thupi zi hoih khat hi”ci in zong genbeh lai hi. Thuthangkan Peter Baker in zong hithu pen hisa mahmah hi. “Amah pen aciim acitak mi khat hi.
Kumpi pa ii nasep nate tawh kisai in aman buaipih mahmah hi. Apasal in bangsem cih zong atheihpih mahmah hi. Amah pen Obama ii nung ah ciingduai atawi nu ci in ki um mawh hi. Tua beklo Obama kiang ah thuman citak ding thu zong phawksak den hi. Obama ii nasep dan lampi te zong dongtel hi. Bang hang hici sep nahiam cihte zong dongtel hi.”
American NBC thuthang zumpan thuthangkan Richard wolf in Michelle in Obama sangin kidemna deihzaw hi ci hi. Nasep tawh kisai azawh dong asemlo te hehpihlo hi zong ci hi. Innkangpi (white house) gamvai ah Michelle ii vang zong tampi kihel hi ci lai hi. Obama in ama thudotpi (advisor) te kiang ah “na thei uh hia?… Michelle lungkimlo hi. Hi kipawlna ii masuan kicianlo hi hong ci hi. Hih kipawlna ah kilunghualna tawm hi ci in aman mu hi. Tua ban ah akician gelkholhna zong omlo hi hong ci hi” ci in gen thei zel hi.
Hun khat ciang American kumpi mun ah nong kidem tam? Hibang dotna te in American media te hong thadah hong tawlsak tuamlo hi. Michelle in hih dotna pen nuihmai bek tawh hong dawng kik hi.
“American ah numei kumpi hong piankhiat hun hong tungta hi. Ahihang kei bel hikeng”
2016 kum Hillary Clinton pen American gammi te ii etcik mikhat ahihi. Tua khit ciang mi te in Michelle zong mangngilhlo ding uhi. The Wall Shreet journal ii cih mah bangin … nakhempeuh piangthei lua hi. Michelle zong tun kum 50 bek pha pan hi cih pen mangngilh huai lo hi…
Personal Detials
Suahni
Michelle LaVaughn Robinson January 17, 1964 Chicago, Illinois, U.S.
Gammi
American
Political party
Democratic
Innkuanpih
Barack Obama (m. 1992)
Atate
Malia Ann Obama (b. 1998) Natasha Obama (b. 2001)
Tenna
Hyde Park, Chicago (private) White House (official)
Alma mater
Princeton University (A.B. 1985) Harvard Law School (J.D. 1988)
Profession
Lawyer
Biakna
Protestant Christian
Laigelh : Peter Suumpi
Ref: 2014. No 10 Sen Reader magazine, Xu Donghai, Wikipedia, the free encyclopedia, Michelle Obama., Xu Donghai ii gelh Michelle Obama.
Lailet: Peter Suumpi
Zi hoih, Nupi hoih
1964 kum January 17 ni in American Chicago khuapi ii leitaw lam aa mizawng veng ah Michelle suak hi. A inn uh ah lupna khan khatbek om hi. Ataktak in tua zong lupna khan hilo in lenglakhan pen puanza tawh akidei ziau ahihi. Michelle le a upa pen asil-ling(Ceiling) tungah lum uhi. Apa pen atunthei pahpah thagui natnei in 1990 kum in leitung nusia khin hi. Anu pen apa luang kivui khiatna tua innlui sung ah kum tampi om hi.
Zawnna in Michelle pen nasep hanciam nopna lungsim guan hi. Michelle pen aneulai asang kahna pan laipil khat ahihi. 1981 kum ciang in Princeton University ah Michelle kah kha in Sociology major le African- American History minor in sin hi. Kum 4 azawh ciangin Michelle pen mat (Mark) hoih tawh sang hong man in Harvard Law School ah sang hong zomthei hi. 1988 kum ciangin Harvard Law School pan Ph.D lukhuneelkai hong ngah hi.
1989 kum ciangin Barack Obama akici Harvard Law School sangnaupang khat pen Michelle ii omna thukhenzum ah khuakhal sangkhak sung thukhenna tawh kisai asinding in hong pai hi. Amah pen Michelle in vaipuakla in hilh hi. Tua thukhenzum ah mivom amaute gelbek ahihman in nasepna ah adeihdan uh kibangin angeina uh hong kibang hi. Obama pen nasep asiamlua ahiloh hangin nikhat anasep pihte in lamdang asak ding nakhat hong sem hi. Tua in Michelle kiang ah a itna thu agen ahihi.
Kum tampi hong sawt khit ciang in Obama in ama thuciaptehna laibu sung ah Michelle a itna tawh kisai in hibangin ciamteh hi. “Atawpna ah ken amah puksa zo” ci hi. 1992 kum October 18 ni in pumkhat suak uh hi.
American Newsletter sung ah agenna pan in “Michelle pen pasal aneih khit hang nitak nai 9:30 pm in lumden in zingsang nai 4:30 am in tho den hi” ci hi. Taina set tungah tawmvei atai khit ciang apuante puan ninlak ah alon apasal puante kaikhawm hi. Inn hahsiang hi. Tua ban ah zing-an ding vaihawm hi. Tau pan atanu te phong hi. Obama in atawntung in azi phat den hi. Michelle in nakhempeuh kisapna khatzong aomlo ding in kiging khol thei hi ci in Obama in gen hi. “Aman innkuan vaipuak pen siamtakin in semthei hi. Amah pen cikmah in ken bangzo kei ning” ci in Obama in gen ngei hi.
Obama innkangpi (White House) hong tunkhit ciang Michelle pen American minamte’ pahtak uh thu khat ahi nupi hoih le zi hoih khat ahihlam aman kilang sakzo hi. Mipawl khatin hipen ama nuntak dan hitakpi kei inteh ci uhi. Michelle in thu agen ciang zong apasal zah phial aa asiam lam kimu thei hi.
Ahihang thu agen sim in atanute thu le numei mawkmawk te thute bek gen hi. Apasal thu le a innkuan thu uh zong gen thei zelzel hi. Nang le nang hong kigen in ci in akinget ciangin “amasa in kong gennop in kei pen naupang nih ii nu hing” ci hi.
Atanu te tung ah sikan(discipline) khauh sak hi. Picnic pai, khualzin pai ciangin sangpan innlai akipiak loh hangin tuni bang teng mu cihte gelh hamtang ding, sani le nipini ahikei leh TV entheilo, Computer cihpen innlai bawl nading bek…”cih te aa kipan. American gammi pawlkhat in i tate uh Michelle khut sungah ap leng ci in ciamnuihna in gen thei uhi.
2012 kum kumpi kiteelna ah amasa pen thugen ding in thugenna tautung hong kahto in TV pan a en mitul tampi te tung ah “ Tu nitak in kong gennop thu tampi om hi. Ahihang in athupi pen in abeisa kum 20 lai in hih leitung ah akaampha pen pasal khat kasuak hi. Ahang in kei tawh kiten ding Michelle in hong sanna hang ahihi.”ci in gen hi.
Michelle in zong mipi tampi aneihna ahi a Twitter laimai tung ah “ Kum 20 cin lungdam kiteen ni hi … Barack. Nisim nisim in ka lawm hoih, le innkuan lutang hoih khatin nong ding ka lungdam. I love you” ci in gelh hi.
Khuahun tawh kituak asilh aten dan
Obama innkangpi (White House) hong tunkhit ciangin Michelle in American kumpipa zi tawh kisai ciaptehna nih hong piangsak zo hi.
Amah pen amasa pen Afarica minam kumpipa zi ahihi.
Amah pen atun asang pen kumpipa zi ahihi. Amah pen pi 5’11” sang hi.
2008 kum kiteelni nitak in Michelle pen aminthang designer khat ii khui asanvom puan hong silh in thugenna tau nuai aa mipite in lamdang sa mahmah uhi. Tua pan kipan Michelle in “Kumpipa zi in koi cidan puan tawh kilawm” cih zong athakin mipite phawk kik sak hi. Aman atang, avak lela cihdan melte deih hi. Asilh aten te ahileh design mawkmawk omlo in midang te aa tawh kilamdang diak in silh hi. Khat vei bang Obama tawh apawi simna uh ah bantawng puantual (ganwin)hong silh in ngeina tawh kituak kisa mahmah hi. England kumpi nu tawh akimuh lai in zong suaita vom angka khat silh hi.
Atam tawh kibanglo in alamdang deuh aa asilh Michelle ii silh le ten kizep kipuah dan in American minamte’ fashion ii dinmuh khat alak ahihi. 2009 kum Obama in laisiangtho tawh kiciamna aneihna pawi ah Michelle in akang puantual silh hi. Ataklam liangko ah apuan mong bangto in tua in mipite mit la mahmah hi. Obama in mipite mai ah “Amasa pen in ka zi ahoihna?” ci in dong ngei hi.
2012 kum September kha sungin Michelle gambup democratic khawmpi ah kah hi. Tua lai ah pakmel(Pink color) puantual silh in akhutban tawn ii ahoihna te lak khia hi. Akhutcin pen amuh hakkhia mahmah cinsanza te nuh hi. Tua nitak khawmpi aman ciang ama silh dan puantual le cinsanza te saikhempeuh ah bei kici hi.
“People” magazine in Michelle in kiteelna atunma in amah le amah kimuan nate lakkhia hi. Mitampi in lamdang asak zawh zah dong in hih thei hi. Amah ii etlawm kipuah dante in beisa hun lai aa aminthang kumpipa’zi, mite phawk kik sak hi” ci in gen hi. Hibang aa agenna pen Michelle ii kipuah dan pen nidang aa kumpipa zi ahi Jacqueline Kenedy tawh kibang acih nopna uh ahihi.
Neekledawnna le gualnopna te ah Michelle pen mitawh kibanglo hi. “Atunna munmun aa te ante thupisa hi” ci in Kumpi innkuan ii neekledawn tawh kisai aciamteh pawl ii online thuvanpi khat in gen hi. “Hi laimun ah ansai ah bang thupit koih pen uh cih dong in aman tua mah nepah lel hi” ci in gen hi.
Michelle pen cidamna tawh kisai ahahkat khat ahihi. Ama cidamna ahanciam dan pen tuni American numei tampi in ciing ngeingai khinta hi. Tai kisin, Yoga kimawl in tua ban ah atanu te geel tawh tennis zong kimawl hi. “Akhut khauh mahmah in forehand ahoih mahmah bang in backhand zong khauh mahmah hi” ci in amah ahilh siapa in gen hi. “Akiseek abang akhut ban satak tegeel” pen American thuthang kante’n “American ii thahatna alak lim hi” ci in genteh uhi.
Kumpipa zi hongsuah khit ciangin Michelle in innkangpi( White House)ii kongkhak hong hongkhia hi. Mipite tawh kimai ngapna nei in, acidam huai anneek tuidawn, acidam huai nuntakzia te kizelsak hi. Athanem mizawng te le naupang te ii bitna thupit bawl in kin bawl hi. Obama tawh kithuah in leitung mun tuamtuam ah zin koikoi in thudotna te adawn mahbangin amah gia zong zing koikoi in thudotna te dawnna nei hi. Michelle pen American tangthu sung ah amel hoihpen kumpipa’zi ahihloh hang amahpen angaih bang pen kumpipa’zi cileng anial ding kua mah omkei inteh ci in New York thuthang kizakna aa ten gen hi.
…
Gamvai aksi thak
Harvard University pan sang aman ciangin Michelle pen American gammi tampi in mipil khatin mu uhi. Ama ngaihsut dan pen siangtho hi. Thu agen ciangin ciamnuih tawh zong helin sianggen suk pahpah lel hi. Mipi te mai ah amah pen amah le amah kimuanna anei, ahangsan, thu akhinkhai thei mi ahihi. Alungsim akhauhpai hangin numei khat ngeina bangin zong thu nem hi. Hibang thuteng hangin amah pen gamvai lam ah atangpha aksi khat hong suak thei ding hi ci in ki lam-en hi.
American AP thuthang zumpi le Yahoo te in 2008 kum July kha sung aa abawl uh ahi mipi lunggulh kaihkhopna khat ah 30% in amah deih in 35% in deihlo hi ci hi. Tua khit kum 4 ciang in American AP in khatvei akaih khop kikna uh ah American gammi 64% in amah deihin 53% in Obama sang pahtakna ngahsak zaw hi. American Media tuamtuam te in hun khat ciang Michelle pen kumpi dinmun ngahzo ding in um uhi.
2008 kum Obama kumpi kiteelna ah kihel ding cih ataangko ma in Michelle pen nasepna ah asiam mahmah khat ahihi. Ama ii kumkhat sung akhasum gawm pen dollars 270,000 $ val ngaih in Obama khasum ii azahnih pha hi. Ahihang Obama kiteelna ah agualzawh nading in Michelle pen tua khasum hoih anasep khawlin apasal panpih hi. Innkhangpi (white House) atun uh ciangin zong Michelle in apasal ii athupi gamvai kikupnate ah zong kihelin thapia hi. Obama ii “nambat khat akikuppih nu” ahihi.
New York thukizanka innkangpi(White House) tawh kisai thuthangkan vaipuak nei khat ahi Jodi Kantor in Michelle ii thupitna te pen Obama tawh akizopna te pan zong kimu thei zaw kan hi ci hi. “Ama dan pen khauhpai hi. Amah pen akhauhpai numei khat hi ci in kangaihsun hi. Apil asiam mahmah inn nupi khat le zi thupi zi hoih khat hi”ci in zong genbeh lai hi. Thuthangkan Peter Baker in zong hithu pen hisa mahmah hi. “Amah pen aciim acitak mi khat hi.
Kumpi pa ii nasep nate tawh kisai in aman buaipih mahmah hi. Apasal in bangsem cih zong atheihpih mahmah hi. Amah pen Obama ii nung ah ciingduai atawi nu ci in ki um mawh hi. Tua beklo Obama kiang ah thuman citak ding thu zong phawksak den hi. Obama ii nasep dan lampi te zong dongtel hi. Bang hang hici sep nahiam cihte zong dongtel hi.”
American NBC thuthang zumpan thuthangkan Richard wolf in Michelle in Obama sangin kidemna deihzaw hi ci hi. Nasep tawh kisai azawh dong asemlo te hehpihlo hi zong ci hi. Innkangpi (white house) gamvai ah Michelle ii vang zong tampi kihel hi ci lai hi. Obama in ama thudotpi (advisor) te kiang ah “na thei uh hia?… Michelle lungkimlo hi. Hi kipawlna ii masuan kicianlo hi hong ci hi. Hih kipawlna ah kilunghualna tawm hi ci in aman mu hi. Tua ban ah akician gelkholhna zong omlo hi hong ci hi” ci in gen thei zel hi.
Hun khat ciang American kumpi mun ah nong kidem tam? Hibang dotna te in American media te hong thadah hong tawlsak tuamlo hi. Michelle in hih dotna pen nuihmai bek tawh hong dawng kik hi.
“American ah numei kumpi hong piankhiat hun hong tungta hi. Ahihang kei bel hikeng”
2016 kum Hillary Clinton pen American gammi te ii etcik mikhat ahihi. Tua khit ciang mi te in Michelle zong mangngilhlo ding uhi. The Wall Shreet journal ii cih mah bangin … nakhempeuh piangthei lua hi. Michelle zong tun kum 50 bek pha pan hi cih pen mangngilh huai lo hi…
Personal Detials
Suahni
Michelle LaVaughn Robinson January 17, 1964 Chicago, Illinois, U.S.
Gammi
American
Political party
Democratic
Innkuanpih
Barack Obama (m. 1992)
Atate
Malia Ann Obama (b. 1998) Natasha Obama (b. 2001)
Tenna
Hyde Park, Chicago (private) White House (official)
Alma mater
Princeton University (A.B. 1985) Harvard Law School (J.D. 1988)
Profession
Lawyer
Biakna
Protestant Christian
Laigelh : Peter Suumpi
Ref: 2014. No 10 Sen Reader magazine, Xu Donghai, Wikipedia, the free encyclopedia, Michelle Obama., Xu Donghai ii gelh Michelle Obama.
Lailet: Peter Suumpi
0 Komentar