Ka ommuan in kei bat na ciang ZOMI te thu ka ngaihsut ciang in ZOMI te ading nasep lian pi kuateng in sem hiam ci in ka lung ngai leh ZOMI a ding nasem nuam a hihkeileh nasemkipan tampi om na pin lawhcin na akimuthei bangmah omlo zahdong in Zomi leh Zogam tulai tak leh a beisa hunte ih et ciang in khasiat huai dinmun bek mah kimu thei hi.Tua sungpan ZAM thupi kasa a Zomi ading nasem tesungpan lawhcingpen kasa hi.
Tulaitak Zomi mailamding ih et ciang kawlgam kitelna ding ngaihsut loh phamawh thu hongsuak ahihman in ZOGAM sung ah kuanglui ding te etcian ,sit tel akisam mahmah khat in kangaihsun hi. Hun beisa sawtpi genleng thusau pi om himah leh a beisa galkap kumpi in hong uktak ciangin thu dang la dang peuhmah ki gen theilo in agen aom leh man thong ah khia cih hong hi ahih man ASSKyi mahmah man pah a tua mahbang in Pu Cin Sian Thang Zong a hihi. Kuamah in bangmah a gen ngamom se lo ahih hang Zomi sung ah Pu Thang a genngam in hong panghi. A hizong in Pu Thang zong pen ZOMI ading cih bek honghi loin Democracy cih leh federation cih hong gen a tuapen kawlgambup ah a mah agenngam masa hong hihi. Hih thupen thupi lua zai lua ahih man in ZOMI vaiding lianbek cih zong honghi lo a ZOMI a ding hilo zong kici lian thei lohi...Bangbang ahi zong ZOMI a ding na sem dang omtuan lo ahihciang PU Thang pen ZOMI ading nasem in ih ngaihsut loh pha mawh hongsuak hi.
A khasiat huai mahmah khat ah ahat nateng Kumpi gawtna sungah hongbei in gamtang zo in hongom naw loh hun ciangin a ma lamsial sa hong hing ding in hongkipan a hong gin litlit leh kitel ding hun hong kizom hi. Nidang in hun haksat lai in a mahsim loh apau ngam aham ngam a thuak ngam om lo hinapin hun tawm hongkihon ciang a ma sang apilzaw ,ama sang pawl nei zaw hongtampian mahmah hi.Nidang in a ho ngam zong aomlo,kikhawm ding na ngawn a kideih loh hun te a mahding in ka kituat ciang.... hun hong ki hon ciang in kipawl na om khempeuh in biak na pawlpi te in athuak na sa ngaihsun in a mahthapia in aziksa lam puah in zun in phungvuh leh akilawm mahmah pen tua sangsik in ama phut sa sang alian zaw amitam zaw cih bang a demna lam peuh hongsuak takciang in ZOMI te mailam ding pen ngaihsun taktak leng a dah huai mahmah hongsuak mawk hi.
Makai masa te asem taktak te tuabang in athuak danki bang pian in omtawntung ahih manin ZOMI leh ZOGAM ading deihsak natawh asem kuamah omnawnlo in tuamah bangin kipawl na no khat makai no khat ahih nakleh leh deihsakna it na cih te omngiatlo in mindeih manpeuh angsung ngaihsut na peuh sep theih neitakei leh nungzui aneih nak lehkipan cih vive hongsuak mawk hi.A semtaktak adeihsak taktak tepen tuabang in ahuntunciang nawlkhin langbawl cih bang hongtamciang in thuman thutak lungsimtawng a en Pasian in mu ahih man in mipi in thupha kingah theimahmah lo cih keiup na hi.
Deihna bulpi ah ZOMI khempeuh in tu tung kitel na ah Makai pipa bangmah hizo nawn takei leh kipum khat in ZOGAM sung aom Mee tang khempeuh ZCD pia theileng a a sawtlo in a ma masuan te nang masuan hongsuak ding a a masep te nangmah sep zong hongsuak ding hi cih minei,pawlnei,makai khempeuh ka hanthawn nuam hi.Tua hi leh kipumkhat peuh leng ZOMI leh ZOGAM a ding nasem a om nailo te sung pan a masa lam ZOMI leh ZOGAM ading nasem makai ihsuakding a Zogam zong hong hingkik ding hi.
Kipum khat ni.....ZOMI ading in
Kipum khat ni......ZOGAM ading in
Kipum khatni .....Ih khantoh nading in
SUUMZOMI
Melbourne
0 Komentar