Kum khat na cin'ma-in na Pa'n hong nusia ahi hi, ci-in ka Nu'n hong gen zel hi. Ka nu bek tawh ka om a, ka nu pen zingsang sim nai 3/4 pawl in tho den a, ka khua veng teng vuah, mehteh mehgah zuak in a pai den ahi hi. Ka inn uh cipeek inn hi-a, lei panin pii nih khawng a sangin a kilam, a neu liklek khat ahi hi. Zingsang khat khua vak ma-in tuikilok ging dan kaza zel a, ka lunghimawh simsim napi-in, ka en khia tuan kei hi. Tawmvei khit ciangin ka lupna sualtung tawm hong kawt a, zun teh ka hi phial tam ci-in, ka kiim ka paam ka zawt leh ka zawt khakna khempeuh na kawktum khin hi. Thakhat in thoto vat in ka khuadakkhiat leh ka inn kiim khempeuh uh tui-in na tuum in na puang henhan hi. Ka inn uh pii nih bang sangin a kilam pen tui-in hong na banto ta hi.
Ka kiim ka paam ah ka vengte uh khat zong na om nawn lo uh a, koi lam zuan ding cih zong thei loin, lamet bei takin a si ding hi taktak ta ing, cih bek ka lungsim ah om lai hi. Ka vengte un, a nu zingsang tho baih den ahih teh, a tai khia khin uh hi'n teh cih ngaihsutna tawh hong nusia uh hi kha dingin ka ummawh hi. Tua bang teng kawmkal-ah huih leh guah hong khauh semsem in, vanging in kek kia ziahziah a, tui hong tam semsem hi.
Ka inn gei uh ah, singkung khat om a, tua sing nuai-ah nisim in kimawl zelin nuam a sa mahmah ka hi hi. Ka nu lah omlo, ka veng teng uh lah om nawn lo ahih manin, huihpi guahpi-in hong nawkin tui-in hong tumcip ding ahih laitak in, kei adingin a muanhuai pen leh ka belh theih ding tua sungkung bekmah om lai hi. Ka thaneih teng sit loin, ka inn gei vua singkung lam zuanin tui ka pal ngekngek a, haksa pipi-in, sing phung ka tung zo sam hi.
Tui hong tam semsem in, ka dip ciang hong tum ta ahih manin, ka khuadam lua in ka lingkelkel ta a, si ding hi taktak ta ing cih ka kitel mahmah hi. Ka kikoko hangin kuamah omlo a, ka aw zong ngaih takin ging zo nawn lo hi. Ka kahna awging pen kei bekmah in ka za hi. Ka lau penpen khat ah, singkung len kawmsa-in, laulua in sidektak in lingkelkel in ka om laitak in, ka etna mun ci tengah tuihual puang hiuheu bekbek kei lam zuan in hong kilok phei ziahziah mahmah ka laupen hi. Tua bang teng tawh tui hong khang semsem a, tui-in ka gawl ciang hong tum taktak ta hi. Tha zong nei nawnlo, lametna teng bei sitset ta a, cih nading zong thei nawnlo in, a om dide ka hi ta mai hi.
Singkung pangah ka lu belhsak in, mitsi dide sa-in, sih ding ngak in ka om laitak in, aw khat hong ging a, "Hey ka tanu, ka tanu, nang hong honkhia dingin hong pai ing ei," cih sapna awging khat ka za a, ka mang hoh hi phial aihia ci-in, um ngam lo pipi-in, ka mit ka hahkhiat leh putek kum tam simpian ta khat gunkuang neu khat tawh ka gei hong tung hi. Ka lungdam lua in, dahna khitui kawmkal-ah nuamna khitui bang hong luang liang hi.
Putek pa in, tui-in a tup zawh lohna mun san'na lam zuanin gunkuang tawh hong paipihpih a, na nu-in nang hong honkhia dingin kei hong sawl ahi hi, hong cih kawmkawm in, hua lai en sin aw, hong ci-a ka et leh, nupi khat in hong na gal-et ciyciay ka mu hi. Ka mit pen siip gawpin hoihtakin hak zo mello himah ta leh hua lai-a, hong gal et pen ka nu hi, cih ka hemtheih pah lian hi. Ka nai semsem ciangun ka nu na hi takpi a, ama hong ngakna mun ka tun takun, cidam takin a kimu hi ta, ci-in gunkuang tung pan taikhia pah in, ka nu tawh kipom in lungdamna khitui hong luang ziahziah hi.
Ka nu in ka tanu aw, "I omna kigamla mah ta leh kuama hong zakloh na kahna awgingte ka za a, sih ding ngak in lau lua in lingkelkel in, huihpi tuihual kilok lakah na om lamtak zong ka mu hi, zingsang sim a, ka vanzuakna pan ka ngah sum khempeuh tawh hih tuisiam putekpa cial in hong honkhiasak ka hi hi," ci-in hong gen hi. Ka kahna awging pen kuamah in a zakloh hangin, a gamla a om ka nu kiang na tung cih ka thei-a, tua sangin ka nu in hong it lua ahih manin, ka omna uh bangzah takin kigamla mah ta leh, ka kahna awging pen ka nu in na za thei hizaw cih ka tel zaw lai hi. A ki gamla munkhat tuak pan, launa leh dahna khitui a nul ko nuta pen, tu-in, kipom kawmin lungdamna khitui ka nulkhawm thei ta uh hi.
Ka nu in kei hong honkhia dingin a cial putekpa in, ko nuta kahna leh ki-itnate hong muh ciangin amah zong khitui luang loin om thei nawn lo a, a kah kawmin hong pau khia in, nong cialna uh sum te kemkik un la, tu-in zong na om nading uh om lo ahih manin, ko inn ah hong om phot un," ci-in amau inn ah hong ciahpih lailai hi. Luahuaina huihpi tuihual kilokte in hong nawkin, lungkham mangbangin sih ding ngak in ka omna uh panin, hi bangin nuntak theih nading nopna zingni hong suakkik a, ka nu tawh cidam takin ka kimuhkik ni uh pen, ko adingin ka lungdampen ni uh hong suak hi.
Ngaihsutna lungsim kiu khat pan,
Khazih sungah, David Tuang
Ka kiim ka paam ah ka vengte uh khat zong na om nawn lo uh a, koi lam zuan ding cih zong thei loin, lamet bei takin a si ding hi taktak ta ing, cih bek ka lungsim ah om lai hi. Ka vengte un, a nu zingsang tho baih den ahih teh, a tai khia khin uh hi'n teh cih ngaihsutna tawh hong nusia uh hi kha dingin ka ummawh hi. Tua bang teng kawmkal-ah huih leh guah hong khauh semsem in, vanging in kek kia ziahziah a, tui hong tam semsem hi.
Ka inn gei uh ah, singkung khat om a, tua sing nuai-ah nisim in kimawl zelin nuam a sa mahmah ka hi hi. Ka nu lah omlo, ka veng teng uh lah om nawn lo ahih manin, huihpi guahpi-in hong nawkin tui-in hong tumcip ding ahih laitak in, kei adingin a muanhuai pen leh ka belh theih ding tua sungkung bekmah om lai hi. Ka thaneih teng sit loin, ka inn gei vua singkung lam zuanin tui ka pal ngekngek a, haksa pipi-in, sing phung ka tung zo sam hi.
Tui hong tam semsem in, ka dip ciang hong tum ta ahih manin, ka khuadam lua in ka lingkelkel ta a, si ding hi taktak ta ing cih ka kitel mahmah hi. Ka kikoko hangin kuamah omlo a, ka aw zong ngaih takin ging zo nawn lo hi. Ka kahna awging pen kei bekmah in ka za hi. Ka lau penpen khat ah, singkung len kawmsa-in, laulua in sidektak in lingkelkel in ka om laitak in, ka etna mun ci tengah tuihual puang hiuheu bekbek kei lam zuan in hong kilok phei ziahziah mahmah ka laupen hi. Tua bang teng tawh tui hong khang semsem a, tui-in ka gawl ciang hong tum taktak ta hi. Tha zong nei nawnlo, lametna teng bei sitset ta a, cih nading zong thei nawnlo in, a om dide ka hi ta mai hi.
Singkung pangah ka lu belhsak in, mitsi dide sa-in, sih ding ngak in ka om laitak in, aw khat hong ging a, "Hey ka tanu, ka tanu, nang hong honkhia dingin hong pai ing ei," cih sapna awging khat ka za a, ka mang hoh hi phial aihia ci-in, um ngam lo pipi-in, ka mit ka hahkhiat leh putek kum tam simpian ta khat gunkuang neu khat tawh ka gei hong tung hi. Ka lungdam lua in, dahna khitui kawmkal-ah nuamna khitui bang hong luang liang hi.
Putek pa in, tui-in a tup zawh lohna mun san'na lam zuanin gunkuang tawh hong paipihpih a, na nu-in nang hong honkhia dingin kei hong sawl ahi hi, hong cih kawmkawm in, hua lai en sin aw, hong ci-a ka et leh, nupi khat in hong na gal-et ciyciay ka mu hi. Ka mit pen siip gawpin hoihtakin hak zo mello himah ta leh hua lai-a, hong gal et pen ka nu hi, cih ka hemtheih pah lian hi. Ka nai semsem ciangun ka nu na hi takpi a, ama hong ngakna mun ka tun takun, cidam takin a kimu hi ta, ci-in gunkuang tung pan taikhia pah in, ka nu tawh kipom in lungdamna khitui hong luang ziahziah hi.
Ka nu in ka tanu aw, "I omna kigamla mah ta leh kuama hong zakloh na kahna awgingte ka za a, sih ding ngak in lau lua in lingkelkel in, huihpi tuihual kilok lakah na om lamtak zong ka mu hi, zingsang sim a, ka vanzuakna pan ka ngah sum khempeuh tawh hih tuisiam putekpa cial in hong honkhiasak ka hi hi," ci-in hong gen hi. Ka kahna awging pen kuamah in a zakloh hangin, a gamla a om ka nu kiang na tung cih ka thei-a, tua sangin ka nu in hong it lua ahih manin, ka omna uh bangzah takin kigamla mah ta leh, ka kahna awging pen ka nu in na za thei hizaw cih ka tel zaw lai hi. A ki gamla munkhat tuak pan, launa leh dahna khitui a nul ko nuta pen, tu-in, kipom kawmin lungdamna khitui ka nulkhawm thei ta uh hi.
Ka nu in kei hong honkhia dingin a cial putekpa in, ko nuta kahna leh ki-itnate hong muh ciangin amah zong khitui luang loin om thei nawn lo a, a kah kawmin hong pau khia in, nong cialna uh sum te kemkik un la, tu-in zong na om nading uh om lo ahih manin, ko inn ah hong om phot un," ci-in amau inn ah hong ciahpih lailai hi. Luahuaina huihpi tuihual kilokte in hong nawkin, lungkham mangbangin sih ding ngak in ka omna uh panin, hi bangin nuntak theih nading nopna zingni hong suakkik a, ka nu tawh cidam takin ka kimuhkik ni uh pen, ko adingin ka lungdampen ni uh hong suak hi.
Ngaihsutna lungsim kiu khat pan,
Khazih sungah, David Tuang
0 Komentar