Mipi in Makai dingte tungah a lunggulh uh

Ong tungding 2015 Kawlgam kiteelpi pen ni 100 zong in a sam nawnlo ong hi ziau hi. Online panin i duh i deih i gen a, i ki nial a, i phun sesu hi. Mimal kihuatna lamin la lo a, mipi lungsim tak tawh i kitelsiam ding thupi ding hi. Makai dingte in zong lungduaina tawh ong thuaksiam ding uh i lunggulh hi. 

Makai ding cih ka gen ciangin ong tung ding 2015 kiteel pana Zogam(Chin State) sung ah panmun la a, kumpi tawh i Zogam khantoh nang ong gel ding ahi makai te gennuam ka hi hi. Zogam ah USDP leh NLD kihel lo in Ethnic party bek nangawn 12 bang ong om hi. Tua teng a vek in ong kidem dinguh hi a, a zo lo zong om ding a, a thahat penpen te in State Gov't form ding ong suak hi.

12 Ethnic Parties in Chin State

Tua hih manin a diak in Saklam Zogam ahi Tedim leh Tonzang pan teelcing MP te in hih anuai a te ong ngaihsun masa le uh i lunggulh mahmah hi:
1) Na khempeuh ah zat a kul pelmawh ahi Meitha(Electric power) pen Tedim khuapi ah kicing taka zat theih a hi ding i lunggulh mahmah uh hi.
2) Kawlpi leh Tedim/Tonzang/Cikha te kikawmna lam lianpi pen kikeek beh in Coaltar(ကတၱရာေစး) kizut zo leh i lunggulh mahmah uh hi.
3) Pilna sinna ah hi sanga masawn zaw leh a tangzai zaw a kalsuan zawh nang; sanginnte tuahpha, a kisam sangsia te behlap leh a kisam vanzat(laboratory) te akipan... 

Tampi a omte lakah ka muh khak leh mipi gendeuh te ahi uh a, hiteng lo adang tampi te ong pai ding term(kum5) sungin ong sepsak zo ding in Zomi MP te i to hi. Mipi leh gam a ding in ahih theih zah un pan ong lak ding uh zong i lunggulh lai hi.