Lai Siangtho Mipilte Muhzia

Mipil, lai at siam tampite in laibu minthang tuamtuam tampi gelh uh a, ki deih thei mahmah in, zong kiphat tuam pih mahmah hi. Ahih hang tua banga laibu minthang tampite in hun khat nei in, a ki deih nawn loh hun hong tung veve hi. Pasian’ kammal Laisiangtho bu ahih leh mipil misiamte at tawm laibute tawh teh theih ding hilo hi. Tul hun cih bang nei loin sim in, sim kikkik le’ng, zaknop tektek in kisim nuam tektek hi. Mihingte’ nuntakna khel in gam le minamte khangto sak hi.

Laisiangtho thupi a sa, gam leh minamte’ sung pan mi pawl khat te’n Laisiangtho amuh zia uh pawl khat en dih ni." Pasian kammal Laisiangtho pan thuman thutakte minamkimte’ lungtang tawh a kimuh theih na dingin bang ci sep ding cih dong nuam ing" –William Gladstone
" Laisiangtho pen man taktak hi cih ka um hi. Hih sungah mi banga hong piang Zeisu Khazih ii vangliatna teltakin hong lak hi. Tua in leitungah vangliatna tawh a dim mikhat hong pianna hi" – Goethe


" Laisiangtho thu a theilo mi in leitung a ahoihpen nate a ngahkhalo mi ahihi. Laisiangtho i sim ciangin Pasian’ kammalte ki thei hi. Banghang hiam cih leh lungnopna le nasepdingte Laisiangtho sungah ki mu hi" –Woodrow Wilson


" Laisiangtho pen Pasian in mihingte hong piak letsong hoih penpen hi cih ka gen nuam hi -Abraham Lincoln


" Eite’n haksapi a i zon ding mipilte’ kampaute nute’n a sim uh Laisiangtho sungah om hi "- Whittier


" Laisiangtho in thuzuite’ ading in nopsakna hong ngahsak hi. A simte’ tungah nalamdangte hong pia hi " –Napoleon


" Mihingte’ kipawlna ah zuih ding thukhun akip a om loh hangin Laisiangtho sungah om hi. Laisiangtho sunga thukhunte zui le hang i gam i lei hong khangto ding hi. Ke’n kum khatin vial khat zawh ding han ciam in ka nei hi" -Denniel Webster

" University a laisinna pen mikhempeuh adingin hoih hi cih ka um hi. Aih hang University kah loin Laisiangtho theihna in University kah a Laisiangtho theih loh sangin manpha zaw hi" - William Lyon Phelps


" Laisiangtho tawh tehkak lehang laibu dangte gentham vetvet lo hi. Lungkham sinkham a ka om ciangin Laisiangtho in a tawntungin khuavaak le thathak hong guan hi" – Robert E. Lee


" Laisiangtho in suahtakna ii khuambulpi hi" - Thomas Jefferson


" Laisiangtho a sim mite lungsim le nuntakna kikhih cip thei lo hi" – Horace Greeley


" Laisiangtho pen laibu kizuak ngei khempeuh kigawm sangin manpha zaw hi" – Patrick Henry


" Eite in a lamdang Laisiangtho hoihtak a i kantelna hangin a nungta Pasian’ thupiakte teltheih zaw in, a hoih zaw gammite i suak hi. Tua tawh kizui in eite’gam nuntakna zong nakpitakin hong khangto ding hi" -William Mekinley


" America gam lamdangtak a akhangto sak thupite lakah khatin ngaihsutna hoih neihna ahihi. Hih ngaihsutna hoihte Pasian’ upna, mualtung thuhilhnate upna, Laisiangtho pen Pasian kammal, Pasian humuap hi cih upnate pan hong kipan hi. Tuni tuhun in zong innkuan sungah abei sa hunte sangin Laisiangtho i naksim zawk ding thupi mahmah ding hi. Tua banga i simna hangin innkuan sung hong kinai sak, kipumkhat sak dinga, innkuan kim in a kip, akho upnate hong ngahsak thei ding hi" – J.Edgar Hoover