KIKHEN NA OMNAWN LO

key: G

Kikhenna om nawnlo,

kikhenna om nawnlo,

Vantung ka pa inn ah kikhenna om nawnlo,

Sihna natnate leh lungzuanna om nawnlo,

Tuuno inn ni bang tang, Jerusalem khua thak ah,

***Aw tua lai mun nuam,

lungsim ka ngaihsut ciang Anop cit dan nop tuak zen si,

Tua munah ka pai ciang, Lawm ten hong muak ding a,

Hong tankhia ka Topa khutpawnte ka len ding hi.

(Lawm aw nang na ut hiam)*2

Tatkhiat sate lenna van khuapi ah,

Tua mun tun na dingin Zeisu sisan bek hi,

Lawm aw nang na ut hiam, Jerusalem khua thak ah.

Tuni”n Topa sapna, a aw nem na zak leh,

Na lungsim khauhsak ken Zeisu zuan vaw,

Alian mahmah gupna donlo in om le cin,

Mawhna dan tawh bangci ki pelh theih ding nahi hiam.

TOPA TAWH TON KHAWM LENG NUAMEI

key: E

Topa tawh tonkhawm leng nuam e,

Buaina kinuaisiah ta, Buaina tungah tawntung kigual zo hi.

Haksakna omlo hilo a, Haksakna kizo thei,

Topa hong om pihna kitel peuh leng.

Aw nuam sing, ka Topa sungah,

Hong hehpihna lasa ning,

Hong itna sung tawntung ka lung muang hi.

Amah tawh tonkhawm leng nuam ei,

Holim khawm leng nuam zaw laai,

Topa sungah nisim in nuam ka sa.

Topa nang tawh holim khawm leng ,

Nong hona aw za ing,

Na kammalte simin lungngaingai leng,

Mit tawh na kimuh theihloh hang,

Na kilawn theihloh hang, Kei nong lawn lam nong suk khak lam ka thei.

Lam in diangin Topa phat ni,

Kha sung kibual khawm leng,

Topa hong om pihna hong lang sak hi.

Suakta lote suahtak na tawh, Dam lote damna tawh,

Topa’n hong om pihna hong lang sak hi.

AW A LAM DANG ITNA LIAN

Key: D

Mi mawh kahih laitak in, galte kahih laitak in,

A sipha tawh kei hong lei in hong dam sak,

Ka vangik teng hong zang, ka lungdamna hong ki dang,

Aw a lamdang itna lian kei sungah.

Aw a lamdang itna lian, Aw a lamdang itna lian,

Calvary panin hong luang Halelujah Praise the Lord,

Ih lungdamna tangthu, ih gualzawhna sut dih ni,

Aw a lamdang itna lian kei sungah

Ka maawhna a tam hangin, ka khialhna a tam hangin,

Tua te sangin hong hehpihna lian zaw lai,

Hihthu mah khumpen sang, Hihthu mahmah ngaihpen sang,

A khum penpen khuaizu sangin khum zawlai

Ka lametna kip semsem, Ka lungmuanna kho semsem,

Zeisu hoihna tawh nisim in kei hong zem,

Hih thu katheih nungsang, upna taawh ka san nungsang

Kei sungah hongdim semsem ka tel semsem. Pasian minthang semsem hen,

Pasian’gam zai semsem hen, Vantung nopna mikim sungah hong tung hen,

Tua a lamdang lungnopna, Ih gualzawhna la ngaih pen,

Leitung mimal tungah hong kizeel ta hen.

ANI ANI IN NUAM SEMSEM

---

Key: G

A tawntung ka kumpipa,

A tawntung ka lawmpa,

A tawntung gualzawhna hong pia,

Nisim lam hong lak a,

nisim tha hong dim,

Nisim gualzawhna hong pia.

(Buai na veng mang veh)2

Ka lawmpa ka kumpipa ka phat tak teh,

Pasian gam leh ama dikna zong masa leng

Ani ani in nuam semsem.

Vantung gam kham khuapi nuam,

A tawntung tang zihziah,

It leh ngaih te’tual len gam,

Eite hong dawn dingin,

nisim kiging den uh,

Nuam zen si’n teh tua mun nuam.

Hello world!

This is your very first post. Click the Edit link to modify or delete it, or start a new post. If you like, use this post to tell readers why you started this blog and what you plan to do with it.

Happy blogging!

Greek mipil Archimedes

Sicily tuikulh a Syracuse ah B.C 287 in Greek mipil Archimedes hong piang hi. Amah pen mathematics, engineering, electronics leh science lam siam mah mah hi.Khatvei Syracuse kumpipa, Hiero-in khamseek(goldsmith) te kiangah sikdang tawh aki hello kham lukhu sek dingin thupia hi. Ahizongin kumpi pa in tua khamseekpa pen muangmawh hi.Sikdang tawh kihel dingin ummawh hi. A mipilte samkhawm in thukan sak ding hong vaihawm hi.Kuan va kan khia ding cih ngaihsun in Archimedes mah muang pen uh hi. Tua a thei tel dingin kumpipa in Archimedes tungah mawhpuakna pia hi.


Archimedes-in veng leh pam te a dam uh hiam aw cih sangin Scientific Problem solve dan ding naakpi takin ngaihsun zaw hi. Thuhaksa, theih khiat a kuul te pawl ngaihsun tawntung hi.Mipi kisilna(public bathroom) ah a pai den mi khat ahi hi. Tua a paina nangawn ah khamlukhu tungtang ngaihsun zen hi. Kisilna tui kuangah tui hong heek hi. Tui hong dim let hi aman tua khamlukhu ngaihsun ahihmanin tui dim lam phawk lo hi. A phawk lian ciangin tui paina tap khak pah h.Tua pan in “Archimedes Principle” kici mukhia thei hi.Kisilna tui kuang pan in thakhat thu in diang khia in“Eureka! Eureka!!” ci in a aw neih zah in kiko hi.Eureka pen “mu ta ing” cihna ahi hi.Puan a silh loh lam nangawn ngaihsun khan awn lo hi. Eureka!! Eureka!! Ci kawmin inntual lamah tai phei hi. Inn ava tun ciangin a muh khit thu a sin ciangun dik hi.Satak a nein a khat peuh tui ah diah leeng zang tuam cih thu ahi hi. Tua a zanna leh tui sunga mun(space) a luahzah ii’ zanna zong kikim lian hi cih thei ta hi. Hih pen ama adingin bul patna hoih khat ahi hi. Tua panin adang zong theih beh zel in kumpipa kham lukhua kham omzah zong hilh thei takpi hi.

A tangvalno tungin Alexandria ah lai va sin hi. Aigupta(Egypt) ten tui a kitangsap zia uh thei hi. Tua pan in Archimedes Screw kici hong mukhia hi. Tua in tembaw bawlna lamah zong khantohna piangsak hi. Set thak a tuam tuam hong bawl thei zen hi. Tua hun lai in Mediteranean tuipi naak kiim ah kidona tam peuhmah hi. Syracusekumpi Hiero in ki galgin a kuulzia thei ahihmanin gaalvan bawlsak hi. Roman General, Marcellus-in Syracuse va sim(attack) petmah hi. Roman tembaw lian te Syracuse hong tun kuan ciangun Archimedes leh a pawlte hong kipanta uh hi. Tembaw pawlkhat tuipi sungah tum in pawlkhat in suang phukha gawp hi. Roman galkapte thangpai lua uh ahihmanin General Marcellus in engineer te samkhawmin Archimedes leh apawlte do kik ding dan hong ngaihsun uh hi. Tembaw lian giat(8) tawh hong kuan kik uh hi. Ahizongin Archimedes in set thupi khollo tawh na khem hi. Plutarch bangin ,” Syracuse ten pen Archimedes ii’ khuak bek a zang uh hi. Amah om kei leh gina het lo ding uh hi. Vanzat a neihte uh zong Archimedes ii’ bawltawm lel hi” ci hi.

Archimedes-in a galvan bawlte minthan pih zawzen hi. Ahizongin aman thupi ngaihsut khollo hi. A laibu te ah zong record taak sa lo hi. Mipi thupi ngaihsut kholloh Scientific lam bel thupi ngaihsut mah mah hi. Archimedes hangin Roman ten kum thum sungin Syracuse la zo lo uh hi. Aman nadang na buaipi ahihmanin a tawpna ah Roman ten lazo veve uh hi. Roman General, Marcelllus-in Archimedes mu nuam lua lah mu kha lo ahihmanin a nuaia galkapte sam sak hi. Galkap ten Archimedes va zong uh hi. Archimedes ama inn sualah na tu hi. Galkap ten,”Hong pai in General in hong mu nuam hi” va ci uh hi. Aman na thudon lo se hi. Tua ciang galkap te heh in khatvei genkik uh hi. Archimedes in” Bang ahiam aw, mi buai lai lai in” cihsan hi. General pa thupiak hi mawk ahihmanin galkap ten a khut ah kai uh hi. Archimedes-in galkap te khut thakhat in man in hemkhia hi. Ka nasep ka zawh ma siah hong pai thei lo ding hi’ng ci hi.Galkap pa heh sem sem in a namsau dawk in sat hi. Archimedes sualah tuuk sukin a sisan hong luang hi.Ama inn sungah hong tua galkap pa in a hinna laksak hi.
Marcellus-in Archimedes-sih dan a zak ciangin lungkim het lo hi. A that galkap pa vualum nuam mai hi. A mi pahtaak mu kha lo ahihmanin a lungsim na hi.
Pau Tun Thang

Google Drive (Gmail) ah 2GB Free Upgrade ki ngahthei

Tuhun ciangin Internet azang khempeuh in “Online Security” ki lunghimawh mahmahtek hi. GALLUP Poll akibawlna ah America gamsung aom mite atamzaw pen a inn uh aki buluh sangin Online ah azat uh Account khat aki Hack sak, suksiatsak ding lauzaw uhhi cimawk hi.

Google Company te’nzong mipi adingin Security pen alung hihmawhpen Top Priority khat ahihi. Nisim in amuanhuailo Website alutkha mi 1 Billion bang omden ahih manin, tuate kidaltheih nadingin Google Chrome ci’n Internet Browser ahoihmahmah, amanlang leh azang mahmah bekthamlo, Security hoihtaktawh hongbawlkhiat uhpen lungdamhuai mahmah hi.
Tuabek thamlo in Gmail zongpen Yahoo, Hotmail, etc… cih Email Service tuamtuamte sangin nuamzaw a, ei Zomi sungahzong Gmail azang ki tampen khading hi. (Pawlkhat bangpen na Email ID banghiam cileng, ke’n Email neilo, Gmail beknei ciliang uhhi) Gmail ah “2-Step Verification” tawhzong Security kikhanthei ahih manin muanhuai mahmah hi.

Security pen Google te ii Top Priority ahih mahbangin “Safer Internet Day” ni in zong Google Account azang khempeuh in Google Account security Settings te etphat ding hong hanthawn uhhi. Hong mawksawl uh hilo lai a, 17 February 2015 ni masiah Security Checkup abawlte 2GB Free Storage pahtawina letsong hongpiading cilailai mawk uhhi. Bangzah in lungdamhuai ahiam? Hongsawl takei le uh, letsong hong piatase kei le uh Security Checkup bawlding pen ei mawhpuak hizaw hi.

Hih 2GB pahtawina pen 28 February 2015 khitciang in na Google Account sungah hongki behlap dinghi. Tulaitak Google Account ah amawkna in Free Storage apiak uhpen 15GB bek hi a, hih Security Checkup abawl khempeuh 28 February 2015 khitciangin na Google Drive sungah 17GB in khantoding uhhi.

Security Checkup bawlnading Link >>> http://goo.gl/jO8gmf
Security Checkup bawldanding zong Video Clip tomno khat kabawl uh hi a, Minute 2 khawngbek phading hi. Minute 2 sung na etziau tawh, Gigabyte 2 amawk ngahding nahih manin, na hun Minute 2 hong ngen ing.

How to get extra 2GB of Free Storage in Google Drive 2015

Tua ahih manin 17 February nima peuhmah in Security Checkup nabawl hamtang inla, hamsatna aomleh anuai a Facebook Comment Box ah hong zasakpah in. Lungdam!